Allegue destacou que a actuación redundará na mellora da competitividade territorial das comarcas da Mariña e a Terra Cha
Ourol, 3 de marzo de 2026. A Xunta avanza nas obras de mellora da capacidade e seguridade da estrada autonómica LU-540 entre Viveiro e Ourol, nas que inviste un orzamento de 8,2M€. A conselleira de Vivenda e Planificación de Infraestruturas, María Martínez Allegue, xunto ao delegado territorial da Xunta en Lugo, Javier Arias, visitou hoxe os traballos que se desenvolven neste viario ao paso polo concello lucense de Ourol.
Allegue puxo en valor o investimento do Goberno galego en materia de seguridade viaria co exemplo desta actuación de mellora da capacidade e funcionalidade na LU-540. En concreto, estase a actuar nun treito de 15,5km, polo que discorren unha media de máis de 3.000 vehículos diarios. A intervención inclúe, entre outras actuacións, a rectificación de curvas, novos carrís, a mellora de interseccións e o acondicionamento do firme en todo o tramo.
Na actualidade, están executados en torno a un 50% dos traballos previstos, e rematarase nos vindeiros días os movementos de terras, así como as tarefas de drenaxe transversal, e está lista a rehabilitación estrutural do firme na maior parte do trazado. O obxectivo é mellorar a capacidade e a seguridade deste viario, de xeito que se poderá circular a 90 km/h unha vez rematadas as obras do tramo.
A conselleira destacou que a actuación beneficiará ás poboacións de Ourol e Viveiro, pero tamén ás de Muras e Xermade, “polo que redundará na mellora da competitividade territorial” das comarcas da Mariña e a Terra Cha.
Neste senso, incidiu na aposta da Xunta para seguir vertebrando a comunidade con infraestruturas cómodas e modernas “para seguir avogando por esa Galicia calidade”.
Allegue lembrou que as condicións climatolóxicas especialmente adversas deste inverno amosan a importancia dunha “folla de ruta” como a da Xunta, con planificación e a dotación de recursos para conservación e mantemento das estradas.
Destacou que desde o 1 de xaneiro e ata o 15 de febreiro a Xunta resolveu máis de 1.000 incidencias, en gran medida por este investimento en materia de conservación, este ano cunha dotación orzamentaria récord de 71,6M€. Recordou que a Xunta adxudicou os contratos para desenvolver a conservación, vialidade invernal e revisión de estruturas de paso por 175M€ para catro anos.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
