Trabada, 3 de marzo de 2026. O Concello de Trabada vén de solicitar unha subvención á Consellería de Medio Ambiente e Cambio Climático da Xunta de Galicia destinada á creación de novos espazos verdes e á mellora de áreas de uso público.
Trátase dunha liña de axudas que se resolve por orde de entrada das solicitudes, polo que desde o Concello se actuou con máxima axilidade. Unha vez aberto o prazo, a solicitude foi presentada en apenas cinco minutos, co obxectivo de optar a esta subvención en condicións favorables.
O proxecto presentado conta cun orzamento total de 75.000 euros e céntrase na zona de autocaravanas e no entorno do centro social da Ría de Abres. As actuacións previstas inclúen a instalación dun peche natural do recinto e a creación de novos espazos de descanso mediante pérgolas de madeira con cuberta natural. Estas zonas estarán dotadas de illas con mesas, papeleiras e bancos elaborados con materiais reciclados, co fin de mellorar o confort, a funcionalidade e a integración paisaxística do espazo.
Esta iniciativa súmase a outras actuacións que o Concello de Trabada ten previsto executar nos vindeiros meses noutras zonas do municipio, dentro dunha estratexia global de mellora dos espazos públicos e de fomento de contornas máis sostibles e agradables para a veciñanza e as persoas visitantes.
O alcalde de Trabada, Rubén García, destacou que “desde o Concello seguimos solicitando todas aquelas axudas ás que podemos optar, porque son fundamentais para continuar mellorando os espazos públicos do noso municipio”. O rexedor subliñou tamén que “este proxecto permitirá poñer en valor unha zona moi utilizada, creando espazos máis cómodos, verdes e respectuosos co medio ambiente”.
Desde o Concello reiteran o seu compromiso de seguir impulsando actuacións que contribúan á mellora da calidade de vida da veciñanza e ao coidado do entorno, apostando por proxectos sostibles e adaptados ás necesidades do rural.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
