Ribadeo, 3 de marzo, 2026. Fin de semana produtivo para o Club de Hockey Isla Pancha de Ribadeo. Os equipos benxamíns sumaron catro puntos en Lugo, cun empate e unha vitoria na xornada do sábado. Xa o domingo 1 de marzo, no Pavillón Municipal Alfredo Deaño de Ribadeo, os prebenxamíns —os máis pequenos do club— non lograron ningunha vitoria a pesar do seu esforzo, pero a xornada deixou unha gran noticia: o equipo dos Yayos proclamouse campión da Liga Autonómica non profesional Hobby Hockey. O conxunto ribadense situouse por diante do Alquimia Inline da Coruña e dos lucenses Lóstregos MAPAX, que ocuparon o segundo e terceiro posto respectivamente.
O Club de Hockey Isla Pancha amosou o seu orgullo por todos os seus equipos e, de maneira especial, por este grupo formado maioritariamente por pais e nais de xogadores e xogadoras do club, ademais doutros achegados. Este equipo decidiu esta tempada seguir os pasos dos seus fillos e fillas e iniciarse nun deporte apaixonante que, malia ser minoritario, gaña seguidores cada ano.
Cómpre salientar que o Club de Hockey Isla Pancha conta nesta tempada 2025–26, por primeira vez, con equipos en cinco categorías competindo en Liga Autonómica: Prebenxamín, Benxamín, Alevín, Infantil e Hobby Hockey. Ademais, o club experimentou un aumento superior ao 300 % na matrícula nos últimos anos, un dato que reflicte o crecemento do interese polo hóckey en liña na Mariña e o bo traballo da directiva e das familias que forman parte da entidade.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
