Ribadeo, 3 de marzo de 2026. As obras do peche perimetral do colexio Gregorio Sanz marchan a bo ritmo. Trátase dun proxecto innovador e respectuoso co medio ambiente, que supón un investimento de 326.000 euros, achegados pola Xunta de Galicia.
O alcalde, Dani Vega, indicou que “avanzan a moi bo ritmo as obras do peche perimetral do colexio Gregorio Sanz. Baixo eses parámetros de seguridade era a proposta que tiña a dirección do centro, tanto a de agora como a anterior dirección, hai que agradecer todo o traballo que fixeron. Son unhas obras que nosoutros viamos fundamentais, dado que o peche que había tiña xa un deterioro moi importante. E podía ter consecuencias negativas. De feito tivo unhas consecuencias, derrubouse en varios puntos e houbo que facer arranxos provisionais. Pero non nos podemos quedar aí. Había que tomar decisións, tomáronse esas decisións. Houbo unha xestión ante a Xunta de Galicia, ese orzamento de 326.000 euros para renovar todo o peche perimetral”.
O rexedor subliñou: “hai que destacar que é unha proposta local, unha proposta do Concello á Xunta de Galicia, un proxecto tamén encargado a un técnico de Ribadeo e trasladamos unha proposta innovadora, porque convive perfectamente co medio ambiente. Estamos dándolle unha segunda vida a moito material que se tira, é dicir ao plástico. Vai aos puntos de reciclaxe e agora xa se lle está dando unha segunda vida. O que ven sendo toda a varanda, no seu exterior, está feita de material de plástico, que se reciclou. Evidentemente, dentro vai unha varilla de aceiro, é dicir ten que cumprir con todos os parámetros de seguridade que nos ditamina a Consellería de Educación”.
Vega dixo que “foi unha moi boa proposta que foi aceptada pola Xunta, o financiamento 100 % por parte da Xunta de Galicia e un traballo conxunto. Evidentemente, unha proposta do Concello, pero unha proposta que recollemos e que nos trasladou a anterior dirección, a actual dirección, a anterior Anpa e a actual Anpa. É dicir, un traballo perfectamente coordinado e un éxito rotundo”.
O alcalde insistiu en que “as obras avanzan a moi bo ritmo. Tamén hai que felicitar á empresa porque estes traballos están convivindo perfectamente coas clases. Nestes momentos no colexio hai actividade lectiva, hai actividade permanente e non está habendo ningún problema, convive perfectamente e hai que agradecer o traballo á empresa que ten por encargo facer esta obra”.
Para Dani Vega “cando as cousas están ben feitas, ben coordinadas, tamén hai que dicilo cando é así, hai que destacar tamén o positivo das cousas. Vamos seguir investindo dentro dunha infraestrutura moi importante como é o Colexio Gregorio Sanz. Queda moito por facer, pero durante estes anos fomos traballando conxuntamente coas direccións, coas Anpas e iso traduciuse sempre en inversión. Recordar toda a obra do edificio e agora tamén co peche perimetral e vamos seguir investindo”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
