Ribadeo, 3 de marzo, 2026. O grupo municipal do BNG de Ribadeo manifesta a súa preocupación pola situación da obra de reforma do Hospital Asilo, despois da alarma social xerada polo precintado do edificio por parte da Policía Local a semana pasada. Segundo indican, o goberno municipal non ofreceu explicacións nin á veciñanza nin aos grupos da oposición.
O voceiro nacionalista, Martín Graña, lembra que se trata dun proxecto fundamental para Ribadeo que acumula retrasos desde o inicio e que, ao seu xuízo, foi presentado en numerosas ocasións polo alcalde como un avance que non se corresponde coa realidade. O BNG sinala que, mentres se afirmaba que as obras avanzaban “a bo ritmo”, xa advertían de atrasos continuados na execución, ata o punto de que a empresa concesionaria entrou en concurso de acredores en novembro de 2025, deixando a obra paralizada.
O grupo critica que, lonxe de asumir responsabilidades, o alcalde anunciara que se licitaría o 13% da obra pendente, algo que —segundo indican— non se materializou. A día de hoxe non existe nova licitación, nin prazos, nin información oficial, e o edificio permanece precintado.
Falta de información e acceso ao expediente
O BNG denuncia tamén a falta de acceso á información sobre o estado real da obra. Explican que solicitaron datos en varias ocasións e que estas peticións foron denegadas. Tras o precintado, rexistraron unha nova solicitude formal para acceder ao expediente completo, pero aseguran que o goberno municipal volveu impedir o acceso.
O grupo considera que esta situación afecta tanto aos dereitos da oposición como ao conxunto da veciñanza, que —segundo destacan— ten dereito a coñecer o destino dos recursos públicos. Lembran que a obra se financia coa herdanza do Doutor Moreda e cunha subvención da Xunta de Galicia que debe ser xustificada.
Tamén subliñan a preocupación das familias e dos usuarios do Hospital Asilo, actualmente repartidos por diferentes puntos de Galicia, que —indican— carecen de información sobre cando poderán regresar a Ribadeo.
Exixencias do BNG ao goberno municipal
O grupo nacionalista solicita ao alcalde que ofreza explicacións públicas e que asuma as responsabilidades políticas derivadas da situación. Afirman que Ribadeo precisa un goberno “serio e responsable” e que o que está en xogo non é só unha obra, senón a confianza nas institucións e o futuro dos servizos públicos do municipio.
O BNG asegura que continuará traballando para que se coñeza toda a información e para garantir que a veciñanza dispoña de datos claros sobre o estado da reforma do Hospital Asilo.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
