Mondoñedo, 31 de marzo, 2026. O Pazo de San Isidro acollerá o vindeiro domingo 12 de abril unha xornada de artesanía con obradoiros abertos ao público, no marco dos Días Europeos da Artesanía.
A actividade está organizada pola Asociación Profesional de Obradoiros Artesáns dos Muiños de Mondoñedo, co apoio da Fundación Artesanía de Galicia e a colaboración do Concello de Mondoñedo.
A xornada comezará ás 11:00 horas cunha visita guiada ao pazo, conducida pola súa propietaria, Simonetta Dondi de L’Orologgio, que ofrecerá ao público unha oportunidade pouco habitual de coñecer a historia e os espazos deste enclave patrimonial.
Ao longo do día desenvolveranse obradoiros gratuítos, en horario de mañá e tarde, nos que as persoas asistentes poderán participar directamente en procesos artesáns vinculados a diferentes oficios.
O programa inclúe propostas como torno oleiro e decoración cerámica, traballo en pel, serigrafía, Kintsugi, técnicas téxtiles tradicionais, reutilización de tecidos, carpintería ou construción de monicreques.
A elección do Pazo de San Isidro responde á vontade de situar a actividade nun espazo histórico, integrando os oficios artesáns nun contorno patrimonial da cidade.
Esta xornada enmárcase nunha traxectoria xa consolidada: é o quinto ano consecutivo no que os obradoiros do barrio dos Muiños participan nesta celebración europea. Na primeira edición, as actividades tiveron lugar nos soportais da catedral; na segunda, na praza do Concello; e nas dúas últimas, o enfoque centrouse no ámbito educativo, con obradoiros en centros como o IES San Rosendo, o CEIP Álvaro Cunqueiro Mora ou o CEIP Santa María do Valadouro, achegando os oficios ás novas xeracións.
O encontro forma parte dun programa provincial que inclúe tamén actividades en Ribadeo e Lugo, dentro dunha iniciativa coordinada polas tres asociacións lucenses participantes.
Toda a programación que se celebra en España entre o 7 e o 12 de abril pode consultarse na web oficial www.diasdelaartesania.es, que permite localizar actividades próximas mediante un mapa e un sistema de busca.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
