Cervo, 1 de abril, 2026. ADEGA vén de presentar alegacións ao proxecto que pretende estender a vida útil da balsa de lamas vermellas de ALCOA en Xove máis aló do ano 2033. A día de hoxe aínda está en execución outro recrecemento —aprobado en 2005— para elevar a infraestrutura até a cota 104, mais a empresa xa pretende ampliala outros 6 metros, até a cota 106. Unha fuxida cara adiante que prolonga a “espada de Damocles” da balsa sobre toda a Mariña case unha década máis.
Unha sucesión de ampliacións que evidencia falla de previsión
Ao longo da vida desta instalación producíronse diversos recrecementos (1986, 1995) motivados polas “necesidades do proceso produtivo”. Outro proxecto presentado en 2004 e autorizado en 2006 elevaba os diques principais e de cola até a cota 100, permitindo o depósito de lamas até a cota 99. Segundo a empresa, isto garantiría 25 anos adicionais de capacidade, até 2029–2030.
Porén, sen ter rematada aquela ampliación, en 2021 presentouse un novo recrecemento —autorizado pola Xunta en 2025— para elevar os diques até a cota 104 e acumular lamas até a cota 103. De novo, ALCOA aseguraba que así prolongaría a vida útil até mediados de 2029.
Agora, co proxecto actual, Alúmina Española pretende —sen ter concluído o recrecemento autorizado en 2025— estender a vida útil do depósito outros 4 anos e medio. A xustificación repite o patrón dos proxectos de 2006 e 2025: previsións erradas e sistematicamente á baixa sobre o volume de lamas xerado.
Cambio na perigosidade dos residuos e reclasificación da balsa
Durante a tramitación do recrecemento até a cota 104, e segundo recolle a DIA de outubro de 2024, produciuse un cambio nas propiedades do residuo almacenado, que pasou a ser considerado HPO4 (irritante) e HPO8 (corrosivo). Isto implicou unha nova caracterización das lamas como residuo perigoso LER-01 03 10*.
En consecuencia, modificáronse os Plans de Emerxencia interior e exterior, e a balsa pasou a ser considerada instalación de Categoría A (RD 975/2009).
Ata 2020, as plantas de alúmina e aluminio contaban con AAI separadas. A partir dese ano, a Dirección Xeral de Calidade Ambiental integrou ambas nunha única AAI (código AAI 2020-IPPC-110-331). Esta autorización segue considerando os residuos como “non perigosos” e a balsa como instalación “non de Categoría A”, con limiares e controis asociados a un risco inferior ao real.
A pesar deste desfase, ALCOA pretende seguir ampliando e enchendo a balsa baixo unha AAI obsoleta que non reflicte a verdadeira natureza dos residuos nin a perigosidade da instalación.
As demandas de ADEGA: peche inmediato e revisión da AAI
Nas súas alegacións, ADEGA esixe á Xunta que non autorice o novo recrecemento e obrigue ALCOA a pechar, selar e clausurar o depósito cando o enchido acade a cota 104 m. Reclama tamén a revisión de oficio da AAI no relativo á xestión e control das lamas vermellas, agora consideradas residuos tóxicos e perigosos (LER-01 03 10*).
En particular, ADEGA demanda revisar os limiares de contaminantes —especialmente fluoruros— nos efluentes do proceso de produción de alúmina e do propio depósito.
Non é asumible que a planta de alúmina e a súa balsa asociada sigan operando cunha AAI obsoleta e permisiva que non recoñece a toxicidade dos residuos nin a categoría de risco real da instalación.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
Tras o éxito das edicións anteriores, poderán participar maiores de idade e asociacións sen ánimo de lucro con polo menos 25 artigos usados, como roupa, libros, mobles ou electrodomésticos.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
