O portavoz provincial esixe ao PSOE “dar a coñecer quen son os cargos acusados de presunto acoso sexual e laboral que Méndez recoñecía nunha entrevista recente” e “aclarar que van facer: se os van apoiar como fixeron con Tomé sendo encubridores do caso dende o inicio ou non”
Venres, 17 de abril de 2026. O portavoz do PP na Deputación de Lugo, Antonio Ameijide, cre que a negativa da número 2 dos socialistas galegos, a lucense Lara Méndez, a pedir desculpas a Alfonso Villares, declarado inocente pola Xustiza, “deixa moi claro que ante os casos de presunto acoso sexual o PSOE non pretende defender a ningunha vítima nin ao feminismo, senón utilizalo politicamente”.
O popular condena, nese sentido, a “incoherencia” do PSOE galego que se nega a pedir desculpas a unha persoa declarada inocente pola Xustiza – despois de que a Fiscalía, un Xulgado e a Audiencia Provincial non observaran indicios de delito-, pero “continúa apoiando a outra á que a propia Fiscalía abriu investigación tras recibir unha denuncia no Xulgado”.
Ameijide tamén condena o uso do feminismo por parte da Deputación de Lugo á vista da campaña de humor coa que PSOE e BNG pretenden “branquearse” en materia de igualdade: “Estanse a rir do feminismo” á vista de que “o goberno provincial continúa a apoiarse en José Tomé, investigado por un presunto caso de acoso sexual”, manifesta.
Antonio Ameijide cre que “Lara Méndez debería explicar a que se refería cando recoñecía nunha entrevista recente que tiña coñecemento de máis cargos do PSOE acusados de presuntos casos de acoso sexual e laboral. É moi grave que Lara Méndez estea tapando máis casos de condutas machistas e de acoso laboral por parte de cargos do PSOE, denunciados a través da canle interna”.
Nese sentido, esixe aos socialistas “dar a coñecer quen son” e “aclarar que pensan facer ao respecto: se os van apoiar como fixeron con Tomé sendo coñecedores das denuncias e, polo tanto, encubridores do caso dende o inicio ou non”.
Así, o popular pídelle a Lara Méndez e ao PSOE “menos leccións e máis sacar ao machismo das institucións” toda vez que “a Deputación de Lugo aprobou no último Pleno unha iniciativa do Grupo Popular -co voto en contra do PSOE- para afastar das institucións públicas a Tomé -que se nega a aplicar a si mesmo o que esixía aos demais- e ás persoas que, tendo coñecemento dunha denuncia por acoso sexual, continuaron encubríndoo ata que se fixo público a través dun programa de televisión”.
“Tanto Ramón Gómez Besteiro como Lara Méndez e Pilar García Porto eran coñecedores, non fixeron nada e seguen sen facer nada. Os socialistas, que se declaran feministas, cada vez que teñen que elixir entre a vítima e os presuntos acosadores, póñense do lado dos presuntos acosadores e dan as costas ás vítimas”, conclúe.
ALCALDE DE MONFORTE
O Partido Popular insiste en reclamar aos socialistas que “aclare que pensan facer con José Tomé, acusado de acoso sexual cun expediente xudicial aberto e investigado pola Fiscalía”. Os populares lembran que “o PSOE mantén a Tomé como alcalde de Monforte de Lemos e os socialistas, xunto aos nacionalistas, apoiáronse nel para formar goberno na Deputación de Lugo. “A pesar de proclamar o seu feminismo, tanto PSOE como BNG, manteñen o seu pacto con Tomé, o presidente na sombra, e precisan do seu voto para adoptar acordos na institución provincial”, apunta Ameijide.
O popular pregúntalle ao PSOE “se pensa manter a Tomé como alcalde de Monforte a pesar de ter a posibilidade de elixir un alcalde socialista co apoio do Partido Popular. Rexeitando esta posibilidade demostran que o PSOE quere que José Tomé siga como alcalde, a pesar das investigacións abertas”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
