A Delegación Territorial de Lugo acolleu hoxe a presentación da 19ª edición do festival, que se celebrará os días 24 e 25 de abril
Lugo, 17 de abril de 2026. O delegado territorial de Lugo, Javier Arias, destacou hoxe o apoio da Xunta ao FIV de Vilalba, integrado no programa “Concertos do Xacobeo” que promove a Axencia de Turismo de Galicia.
A Delegación Territorial da Xunta en Lugo acolleu hoxe a presentación da 19ª edición do festival, que se celebrará os días 24 e 25 de abril na localidade, abrindo a tempada de festivais na provincia. Ademais do delegado participaron no acto o director do evento, Carlos Montilla, e Sandra Vázquez, directora xeral de Relacións Institucionais e Parlamentarias.
Polo escenario principal, situado no Campo da feira e que abrirá as portas ás 19:00 horas, pasarán o venres Carlos Ares, Futuro Alcalde, Celia Becks, Alcalá Norte e Rapariga DJ. O día 25 actuarán La M.O.D.A xunto con Repion, Puño Dragón, Ángel Stanich e Grande Osso.
Na mañá do sábado celebraranse na Praza do Concello os concertos de día, coa Banda de Música de Vilalba, Grande Osso -que fai sesión dobre- e o FIV Stars–Karaoke con Esteban, unha proposta participativa pensada para todos os públicos.
Haberá un espazo gastronómico, e os asistentes contarán con dúas zonas de descanso, unha cuberta no pavillón Insua Bermúdez e outra exterior no estadio Roca. Arias destacou que “a cita conta cunha comunidade fiel de fivers e segue medrando en cada edición sen perder a súa identidade, sustentada na música indie e no respaldo ao talento galego”.
O delegado explicou que “Concertos do Xacobeo” apoia aos principais eventos musicais de Galicia co obxectivo de situala como un destino de festivais e cultural de referencia. O pasado ano sumou 180 propostas, entre as que tamén se contan na provincia de Lugo o Resurrection Fest, o Caudal Fest ou Osa do Mar, entre outros.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
