Ribadeo, 27 de abril, 2026. O BNG de Ribadeo denuncia que esta semana se cumpre un ano da data prevista para a finalización das obras do Hospital-Asilo, sen que existan avances nin previsións de reactivación.
Segundo o grupo municipal, a actuación continúa totalmente paralizada e sen sinais de retomarse a curto prazo, o que consideran un atraso “inxustificable” nun proxecto clave para o municipio.
O BNG lembra que as persoas usuarias levan arredor de tres anos fóra das instalacións, sen un horizonte claro de regreso, o que —afirma— agrava o impacto social da demora. Tamén sinala que segue sen definirse o modelo de xestión futura do centro, unha cuestión que consideran esencial e na que non perciben avances por parte do goberno municipal.
O voceiro do BNG, Martín Graña, asegura que “é inaceptable que, un ano despois da data prevista de finalización, as obras non só non estean rematadas, senón que permanezan completamente paradas”. Engade que, ao seu xuízo, a falta de planificación está a prolongar unha situación que afecta directamente ás persoas usuarias e ás súas familias.
O Bloque critica tamén as declaracións do alcalde, Daniel Vega, nas que afirmaba que as obras avanzaban a bo ritmo, e lembra que a actuación chegou a estar paralizada durante catro meses ao inicio. Subliñan que unha obra prevista para 18 meses acumula xa preto de tres anos.
Así mesmo, denuncian a falta de acceso á información, despois de solicitar en tres ocasións o expediente completo sen obtelo, o que —indican— fai pensar en posibles irregularidades e supón unha falta de transparencia que dificulta a súa labor de control.
O BNG reclama a reactivación inmediata das obras e a presentación dun calendario público para a súa finalización. Tamén insta ao goberno municipal a avanzar na definición dun modelo de xestión pública para o Hospital-Asilo.
Graña conclúe que “Ribadeo non pode permitirse máis atrasos nin máis escusas” e pide actuar con responsabilidade para poñer fin á situación.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
