Carlos López Font advirte que o “pouco atractivo” do programa para os profesionais do mar evidencia que se trata dunha “estratexia de propaganda da Consellería sen base real”
Santiago de Compostela, 14 de abril de 2026. O portavoz de Pesca do Grupo Socialista, Carlos López Font, afeoulle hoxe ao director xeral de Pesca que o proxecto estrela do seu departamento para a dixitalización do sector do mar está a ter unha acollida “mínima”, amosando o pouco atractivo para os profesionais. Na comparecencia do alto cargo para presentar a estratexia de dixitalización do mar, López Font revelou que o Xesmar apenas agrupa a 8 das 63 confrarías de Galicia.
O proxecto tampouco recibe unha especial acollida entre as mariscadoras, o que demostra o fracaso do goberno galego á hora de darlle resposta ás necesidades do sector, e que confirma que responde a unha “estratexia de propaganda da Consellería sen base real”.
López Font reclamou unha dixitalización “xusta, gradual e con apoio público”, que consolide este proceso como motor de modernización, pero acompañado de axudas para a transición dixital e adaptado ás particularidades do sector artesanal, que non se debe ver prexudicado polo novo escenario..
Defendeu a dixitalización como ferramenta para reforzar o liderado do sector, xerar emprego cualificado e integrar novas tecnoloxías ao sector con plenas garantías para aproveitar ao máximo os beneficios que pode aportar sinaladamente na innovación, a mellora da comercialización e o incremento da competitividade da pesca galega.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
