Burela, 16 de abril, 2026. O Concello de Burela acollerá este venres, 17 de abril, unha completa xornada previa ao exercicio marítimo MARSEC, organizada pola Armada a través do Mando de Acción Marítima en Ferrol (MARFER). Trátase dun día especialmente pensado para achegar á cidadanía o funcionamento dos medios participantes e para presentar oficialmente o operativo, que se desenvolverá o 18 de abril no porto e nos seus accesos.
Durante a mañá celebrarase unha xornada de portas abertas, na que veciños e visitantes poderán visitar algunhas das embarcacións despregadas para o exercicio. As persoas asistentes terán a oportunidade de coñecer de preto o traballo dos equipos de salvamento, mergullo, control da contaminación e resposta ante emerxencias marítimas.
Así mesmo, está previsto un acto institucional a bordo dun buque da Armada, no que participarán representantes das distintas entidades implicadas no dispositivo. No marco deste encontro realizarase tamén a presentación oficial do exercicio MARSEC ante os medios de comunicación, detallando os obxectivos, fases operativas e medios que intervirán na simulación do día seguinte.
O concelleiro de Mar, Ramiro Fernández, destacou a relevancia desta xornada aberta: “É unha oportunidade única para que a veciñanza coñeza o labor dos profesionais que velan pola seguridade marítima e para poñer en valor o papel estratéxico do porto de Burela”.
Fernández subliñou tamén a importancia de que a Armada escollera Burela como escenario destas manobras: “Sitúanos como referente no ámbito da seguridade marítima e reforza a nosa tradición mariñeira”.
A xornada do venres servirá, así, como antesala dun exercicio de gran envergadura que permitirá avaliar e mellorar a coordinación entre organismos e a resposta ante emerxencias no medio mariño.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
