A concelleira popular Laura Riveira sinala que “dende o Partido Popular de Foz estamos asombrados da incapacidade na xestión económica do señor Cajoto e da señora Couto, que teñen unha mente insaciable no gasto municipal que logo resolven con chantaxe emocional e manipulación ás empresas e á propia oposición”
Foz, 29 de abril de 2026. O Partido Popular de Foz manifesta a súa preocupación pola situación económica do Concello e critica duramente a xestión do goberno local.
A concelleira popular Laura Riveira sinala que “dende o Partido Popular de Foz estamos asombrados da incapacidade na xestión económica do señor Cajoto e da señora Couto, que teñen unha mente insaciable no gasto municipal que logo resolven con chantaxe emocional e manipulación ás empresas e á propia oposición”.
Os populares lembran que xa advertiran hai un ano das consecuencias desta política económica, cando o goberno levou a aprobación de máis de 800.000 euros en facturas de exercicios anteriores. Segundo indican, esta situación acabou desestabilizando os orzamentos prorrogados, que tiveron que ser suplementados en novembro con 1,3 millóns de euros para poder facer fronte aos pagos.
“Pois volve ás andadas e repítese a historia”, afirma Riveira, quen explica que o alcalde vén de informar da súa intención de levar ao pleno un novo recoñecemento extraxudicial de crédito por máis de 450.000 euros correspondentes a facturas do ano pasado.
Para o PP isto evidencia “o auténtico desastre e descontrol no gasto no que está sumido este goberno, que parece encantado en non aprobar os orzamentos porque, para o que miran para eles, mellor seguir cos prorrogados ao puro estilo Pedro Sánchez”.
Neste contexto, Laura Riveira lanza unha advertencia clara: “sen orzamentos do 2026 non aprobaremos ningunha factura máis do 2025. Estamos cansos e indignados de ser os ‘pagafantas’ de Cajoto”.
Ademais, lembra que esta postura non é nova: “dende o Partido Popular xa llo dixemos o ano pasado: ata aquí chegamos. Se non hai orzamentos do 2026 non aprobaremos facturas do ano anterior”. A concelleira engade que esta obriga está recollida no plan económico-financeiro aprobado polo propio goberno, “que non está cumprindo”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
