O PP vilalbés amosa a súa vontade por “chegar a acordos” en cuestións relevantes para o municipio como a promoción do asentamento de novas empresas a través da ampliación do polígono e o impulso do PXOM, un plan integral para o arranxo e mantemento de vías municipais especialmente no rural ou a apertura do Museo
Vilalba, 16 de abril de 2026. O Partido Popular manterá a vindeira semana encontros con Vilalba Aberta e BNG a vindeira semana despois de iniciar os contactos dando os primeiros pasos para dialogar e tratar de chegar a acordos para ofrecer “un goberno alternativo” ao actual goberno liderado pola alcaldesa socialista Marta Rouco.
Así o acordaron os concelleiros do Grupo Municipal Popular e o comité executivo do PP de Vilalba que preside Sandra Vázquez nunha reunión de traballo na que participou a presidenta provincial do Partido Popular, Elena Candia, e na que analizaron a actualidade política no municipio e a súa incidencia no goberno no Concello.
Os populares subliñan que, “como forza máis votada polos vilalbeses nas últimas eleccións municipais, temos a responsabilidade de ofrecer un cambio de rumbo ao fronte do Concello, cun proxecto que faga avanzar ao noso concello; pero que non será posible sen o apoio de Vilalba Aberta e BNG”.
A presidenta local do PP manifesta a vontade dos populares de “chegar a acordos” en cuestións que “para nós son prioritarias” como promover o asentamento de novas empresas ou facilitando a expansión das existentes a través da ampliación do polígono industrial e do impulso do PXOM ou a elaboración dun plan integral de arranxo e mantemento da rede de vías municipais, especialmente dirixido ás parroquias do rural -onde se atopan nun estado de deterioro avanzadísimo e onde as obras que está realizando o goberno local na actualidade non garante a súa durabilidade en bo estado-”.
Os populares tamén apostan pola creación de aparcamentos alternativos para “desconxestionar moitas das rúas en Vilalba” despois do caos circulatorio ao que o actual goberno someteu ao casco urbano e pola apertura do Museo de Prehistoria e Arqueoloxía de Vilalba (MUPAV), entre outros proxectos para o municipio.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
