Fai fincapé en que a Xunta mantén o seu compromiso de garantir o equilibrio e a coexistencia no medio rural de xeito que se compatibilicen a protección do lobo e a viabilidade da actividade humana
Vilalba, 21 de maio de 2026. A conselleira de Medio Ambiente e Cambio Climático, Ángeles Vázquez, denunciou hoxe que o Goberno central está a comprometer a viabilidade das explotacións gandeiras coa súa postura sobre a protección do lobo.
Durante unha visita que realizou esta mañá en Vilalba a unha explotación gandeira en extensivo que sufriu varios ataques de lobo, a conselleira explicou que o sector gandeiro está a sufrir as consecuencias do empeño do Ministerio para a Transición Ecolóxica e o Reto Demográfico en que o estado de conservación desta especie sexa desfavorable ao contrario do que reflicten os datos oficiais dispoñibles.
Nesa liña, Ángeles Vázquez fixo fincapé en que os datos oficiais contradín a postura ideolóxica do Goberno central xa que reflexan unha evolución positiva da especie en España nos últimos tempos, polo que o seu estado de conservación debería ser considerado favorable. Ante estes resultados, o Ministerio puxo en marcha unha serie de trámites non previstos regulamentariamente e manobras dilatorias cos que pretende desacreditar o traballo técnico e rigoroso feito polas comunidades autónomas sobre esta especie.
Segundo incidiu a conselleira, Galicia enviou información e avaliacións para 38 especies, que foron feitas polos mesmos técnicos cos mesmos criterios e procedementos que establece a Unión Europea, pero o Goberno central só pon en cuestión o traballo realizado sobre o lobo.
“Estamos ante unha situación insólita e inédita”, dixo Ángeles Vázquez, porque é o único caso no que o Goberno central somete a “revisión pública” os datos oficiais das comunidades autónomas sobre unha especie mentres que acepta sen problemas a información sobre as restantes.
En concreto, abriu un procedemento de información pública sobre o informe sexenal do lobo. Nese senso, cómpre subliñar que as comunidades autónomas con maior porcentaxe de presencia de lobo nos seus territorios elaboraron un informe sobre o estado de conservación desta especie, de acordo coas Directrices e procedementos establecidos pola Unión Europea e que seguen todos os Estados membros.
Ese informe, que concluía que o estado de conservación da especie era favorable, foi aprobado pola Comisión Estatal para o Patrimonio Natural e a Biodiversidade o pasado mes de xullo de 2025. De feito, a partir dese momento, o Ministerio decidiu non continuar co procedemento ordinario e legalmente establecido desconvocando tanto a comisión como a conferencia sectorial na que se tería que analizar ese documento.
Polo tanto, a conselleira insistiu en que a apertura dun procedemento de información pública é algo completamente excepcional e sen precedentes co que o Goberno central busca desprestixiar o labor das comunidades autónomas; intentar condicionar o resultado da Conferencia Sectorial en contra dun traballo xa acordado, pero cuxo resultado se negan a respectar; e retrasar o máximo posible o envío á Comisión Europea do informe sexenal do lobo 2019-2024. Cómpre lembrar que o Ministerio debería ter enviado esa documentación hai case un ano á Unión Europea, que, de feito, xa abriu un procedemento de infracción contra España por este retraso porque, ademais, é o único país que non remitiu os datos.
E, mentres tanto, o sector gandeiro convive a diario “coa inseguridade, cos ataques e coa perda de animais”, dixo a conselleira, que engadiu que os avisos por ataques se incrementaron en Galicia nun 70% nos últimos anos e as reses afectadas medraron máis dun 50%.
De feito, a explotación gandeira que visitou hoxe a conselleira sufriu máis de 20 ataques desde 2024 -os 4 últimos este mesmo ano-. En conxunto, na comarca da Terra Chá rexistráronse na tempada de 2025 preto de 360 avisos con máis de 550 reses afectadas e nos últimos meses comunicáronse 166 avisos, máis da metade dos rexistrados en toda a provincia de Lugo.
Para concluír a conselleira fixo fincapé en que a Xunta mantén o seu compromiso de garantir o equilibrio e a coexistencia no medio rural de xeito que se compatibilicen a protección do lobo e a viabilidade da actividade humana. E, por iso, seguirá defendendo o sector gandeiro con datos, rigor e xestión fronte ao abandono do Goberno central.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
