O prazo de inscrición para participar nestas visitas guiadas abre o xoves 28, ás 12.00 horas
Lugo, 26 de maio de 2026. A Vicepresidencia da Deputación de Lugo pon en marcha a II Semana do Patrimonio Invisible da provincia de Lugo. Tras o éxito acadado na súa estrea, esta iniciativa pioneira regresa para abrir as portas de espazos históricos e culturais que, polas súas características, permanecen fechados ao público ou fóra dos circuítos turísticos habituais.
A deputada Iria Castro presentou esta tarde a iniciativa, que nesta edición medra en alcance, pasando de 10 a 12 localizacións e ofrecendo un total de 32 visitas guiadas, o que supón un incremento até as 505 prazas dispoñibles. O ciclo desenvolverase ao longo de catro xornadas: o 6, 7, 13 e 14 de xuño.
A responsable de Cultura explicou que “reeditamos unha iniciativa que tivo un gran éxito o ano pasado e que descubre recursos patrimoniais pouco coñecidos, convidando a mirar con outros ollos espazos e edificios que, ás veces, temos moi preto”.
Neste sentido, a deputada remarcou “a importancia de promover o coñecemento da diversidade patrimonial da provincia para que o dinamismo social e cultural que xeneran estes recursos chegue a todo o territorio” e incidiu “na importancia de sensibilizar sobre a protección e conservación do patrimonio”
A selección de lugares ofrece unha enorme variedade de tipoloxías, dende o patrimonio industrial e hidráulico até o arqueolóxico, etnográfico ou relixioso, entre eles os tres espazos con maior éxito e demanda da primeira edición: o Encoro de Belesar, a Cova de Santalla de Lóuzara e os Mananciais de Mondoñedo.
Estes son os doce lugares:
• Encoro de Belesar (Chantada). Grazas á Semana do Patrimonio Invisible, poderase realizar unha visita aberta á cidadanía, a público non especializado, a unha das maiores centrais hidroeléctricas de Galicia.
• Pazo e igrexa de San Pedro de Bembibre (Taboada). Unha dobre visita para coñecer o importante condado de Taboada a través do fermoso pazo-fortaleza do século XV e a igrexa románica, onde descansan algúns dos seus señores.
• Pozo da neve de Piñeira (Monforte de Lemos). Por primeira vez ábrese ao público a sorprendente bóveda descuberta en Piñeira. Neste monumental “frigorífico” do século XVII, vinculado aos Condes de Lemos, conservábase o xeo para usos medicinais e de luxo, aproveitándose despois como adega.
• Fonte do balneario da Ferrería (O Incio). Este gran hotel balneario de 1892, construído sobre terreos do Conde de Campomanes, foi o refuxio de veraneo da alta sociedade atraída polas súas famosas augas ferruxinosas. Na visita faremos un percorrido pola aldea para entrar na Fonte das Augas.
• Cova de Santalla de Lóuzara (Samos). Comparte moitas características coas grutas calcarias da serra do Courel, na mesma área xeolóxica. No seu interior, o tempo e a auga labraron espectaculares formacións cársticas ao longo de milenios, conformando un atractivo e sorprendente espectáculo visual.
• Mazo de Ferreiravella e Forxa artesanal (Riotorto). En Riotorto os ferreiros manteñen viva unha tradición milenaria. Nesta dobre visita descubriremos o funcionamento do mazo —ese martelo xigante que doma o metal— e a mestría artesá necesaria para forxar as famosas fouces e coitelos da zona.
• Mananciais de Mondoñedo. Unha oportunidade única para entrar en galerías subterráneas e acueductos que conducen a auga ao centro histórico da vila.
• Pazo e igrexa de Vilabade (Castroverde) Coñecida como a “Catedral de Castroverde”, a igrexa de Santa María foi mandada construír en 1467 por Fernando de Castro como panteón familiar ao carón do seu pazo, que tamén se visitará.
• Cova dos Mouros (Baleira) Un dos tesouros arqueolóxicos máis sorprendentes descubertos recentemente en Galicia. Este abrigo rochoso garda nas súas paredes pinturas prehistóricas de cor vermella con trazos angulares e figuras antropomorfas que redeseñan o mapa da arte rupestre galega.
Inscricións desde o 28 de maio
O prazo para inscribirse abrirase o xoves 28 de maio ás 12:00h. Para garantir unha experiencia cultural de calidade e protexer a integridade dos bens, as visitas realizaranse en grupos reducidos. Como novidade, este ano o programa deseñouse por áreas xeográficas diarias. O obxectivo é facilitar que os participantes poidan asistir a unha visita pola mañá e a outra pola tarde nunha contorna próxima.
A participación é de balde, pero require reserva previa na plataforma oficial: patrimonioinvisible.gal. Seguindo unha estrita orde de inscrición, cada solicitante poderá reservar un máximo de 2 visitas para 2 persoas cada unha. As reservas serán confirmadas pola organización mediante correo electrónico.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
