Ribadeo, 28 de maio de 2026. O Salón dos Alcaldes do Concello de Ribadeo acolleu a charla sobre relevo xeracional nos negocios, que organizaron Acisa Ribadeo e o Polo de Emprendemento de Mondoñedo.
Durante a sesión abordouse a problemática da perda de actividade comercial derivada da falta de relevo xeracional, unha realidade que afecta a numerosos negocios de proximidade en toda Galicia e tamén na vila ribadense. Neste contexto os asistentes recibiron información sobre as diferentes axudas públicas dispoñibles para favorecer a transmisión empresarial, facendo especial fincapé no Bono Remuda, impulsado pola Xunta de Galicia. A xornada contou coa participación de representantes da Rede de Polos de Emprendemento: Belén López Cayón, técnica do Polo de Mondoñedo, que fixo unha presentación dos servizos e accións de apoio ao emprendemento impulsados pola rede autonómica; e Francisco Lago García, tamén técnico do Polo de Mondoñedo, que explicou os detalles do Bono para a Remuda Xeracional e analizou os principais retos aos que se enfrontan os negocios xestionados por persoas próximas á xubilación.
O alcalde de Ribadeo, Dani Vega, a directora territorial de Emprego e Comercio, Carmen José López, e o xerente de Acisa, Jesús Pérez, interviñeron ao inicio da xornada e déronlles á benvida aos asistentes, entre os que se atopaban a presidenta de Acisa, Carmen Cruzado, e as directivas do colectivo empresarial ribadense: Manoli Torviso, Trinidad Otero e Tita Iglesias.
Acisa agradece a asistencia e a participación nesta xornada sobre o relevo xeracional nos negocios locais e subliña: “queremos fomentar este formato de charlas sobre temas concretos de interese para os nosos asociados e asociados. Xa o ano pasado foron impartidas conferencias sobre IA, cambios normativos, bizum, rexistro da xornada laboral, etc…”. E engaden: “estamos moi pendentes do relevo xeracional co obxectivo de ofrecer un servizo e asesoramento desde a nosa entidade para evitar peches producidos polas xubilacións de negocios que contan cunha traxectoria de éxito. Niso nos imos centrar nos vindeiros meses”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
