Unha das emisoras referentes é a do IES Perdouro de Burela, pois conta cunha proposta moi ambiciosa, asociada a Proxecto Neo, programa desenvolvido polo centro desde hai 15 anos, e con transcendencia máis alá da propia comunidade educativa
Burela, 18 de maio, 2026. A Revista Galega de Educación (RGE), publicación editada polo Movemento de Renovación Pedagóxica Nova Escola Galega, vén de lanzar o seu número 93, dedicado integramente á situación da radio escolar en Galicia.
En Galicia existen experiencias moi destacadas de radio escolar desde hai décadas, e mesmo proxectos recoñecidos internacionalmente, como Ponte… nas Ondas!. Porén, foi nos últimos anos cando a radio como ferramenta educativa se estendeu de maneira xeneralizada polos centros galegos, especialmente a través dos programas de bibliotecas escolares.
“Falar de radio, educación e vida é un proceso de deconstrución da propia aprendizaxe, porque ondas e ensino son alicerces fundamentais na formación de calquera persoa”, explican na presentación deste número os seus coordinadores, os xornalistas Sergio Pascual Espinilla e Lucía Abarrategui Amado, que convidan o lectorado a mergullarse nas diferentes perspectivas educativas, radiofónicas e vitais que recolle este monográfico.
A presentación da RGE en Burela é, segundo a organización, “un acto de xustiza”, tendo en conta a traxectoria das emisoras escolares da vila e da comarca da Mariña. Destaca especialmente a emisora do IES Perdouro, considerada unha das máis relevantes de Galicia, cun proxecto que transcende a aula e a propia comunidade educativa, chegando as súas emisións a boa parte do país a través de diferentes canles.
A Revista Galega de Educación pode adquirirse en calquera libraría de Galicia mediante reserva, ou solicitándoa directamente a Nova Escola Galega no correo neg@neg.gal.
ACTO DE PRESENTACIÓN
Luns, 25 de maio – 17:00 h
Salón de Plenos do Concello de Burela
Intervirán:
– Alumnado do IES Perdouro de Burela (condución do acto)
– Bernardo Penabade, principal promotor do Proxecto Neo
– Rita Gradaílle, integrante do Consello Editorial da RGE e veciña de Burela
– Miruca Parga Valiña, coordinadora de Proxecto Neo, docente de Lingua e Literatura Galegas e vicedirectora do IES Perdouro
– Karina Parga Chao, responsable da edición do programa
– Docentes do equipo de radio do IES Perdouro: María García Jartín, Javier Mogo, entre outros
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
