Viveiro, 21 de maio, 2026. O PSOE de Viveiro valora positivamente a actuación realizada pola Xunta de Galicia no Espazo Xove coa creación das novas pistas de pickleball, unha iniciativa que permitirá dinamizar esta zona situada nos arredores de San Francisco e incorporar unha nova modalidade deportiva ao municipio.
Os socialistas consideran positivo que se dea vida a este espazo e desexan que as novas instalacións teñan un amplo uso por parte da mocidade viveirense.
Porén, desde o PSOE lembran que durante os anteriores mandatos socialistas e bipartitos presididos por María Loureiro, o Concello trasladou en numerosas ocasións á Xunta a necesidade de actuar nesta pista, tanto para mellorar as instalacións como para realizar labores básicos de mantemento e limpeza, xa que durante moito tempo presentaba un estado deficiente, con presenza de verdín e falta de acondicionamento.
Do mesmo xeito, sinalan que tamén solicitaron en varias ocasións reunións coa Consellería de Xuventude para abordar a situación do Espazo Xove e reclamar máis recursos e actividades para a mocidade, especialmente despois da eliminación da monitora de tempo libre e da redución de servizos neste equipamento.
Desde o PSOE consideran que esta actuación volve poñer de manifesto o trato recibido por Viveiro durante anos por parte da Xunta cando o Partido Popular non gobernaba no municipio.
“Unha vez máis, a Xunta de Galicia volve demostrar que moitas actuacións que durante anos foron reclamadas polos anteriores gobernos presididos por María Loureiro quedaban bloqueadas ou sen atender simplemente porque en Viveiro non gobernaba o Partido Popular. Resulta significativo que unha actuación relativamente sinxela e económica, duns 25.000 euros, que fora solicitada en numerosas ocasións, non se executase ata agora”, sinalan os socialistas.
O PSOE insiste en que sempre apoiará todas aquelas actuacións que supoñan melloras para Viveiro, especialmente no ámbito deportivo e xuvenil, pero considera necesario explicar a realidade e lembrar que moitas das demandas realizadas cando gobernaba o PSOE foron ignoradas durante anos.
Para rematar, os socialistas agardan que esta actuación sirva para consolidar un espazo vivo e útil para a mocidade e que a Xunta continúe implicándose nas necesidades reais do municipio.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
