Viveiro, 5 de maio, 2026. A Asociación de Comerciantes Centro Histórico de Viveiro, a Asociación Prato-Do e Cines Viveiro poñen en marcha unha nova colaboración a tres bandas co obxectivo de fomentar a cultura cinematográfica entre a mocidade da comarca.
Esta iniciativa retoma o traballo conxunto que xa se viña realizando en edicións anteriores, agora coa nova dirección de Cines Viveiro, que reabriron as instalacións tras o éxito das campañas previas. Cada convocatoria destaca pola elevada participación e pola boa acollida entre nenos, familias e centros educativos.
O propósito principal continúa sendo poñer en valor o cine como experiencia cultural, achegando ás novas xeracións a vivencia única dunha sala: pantalla grande, son envolvente e a posibilidade de socializar arredor dunha actividade compartida. Nun contexto no que as plataformas dixitais ofrecen miles de títulos, as entidades organizadoras lembran que “a maxia do cine non se pode reproducir dende o sofá da casa”.
Unha aposta pola cultura e polo cine local
O CCHV, Prato-Do e Cines Viveiro únense para dar visibilidade ao esforzo que supón manter unha programación actualizada, con estreas simultáneas ao resto do país, nun cine local que é ademais o único nun radio de máis de 60 quilómetros. Por iso, animan á veciñanza a incluír o cine nos seus plans durante todo o ano.
Nesta edición, a promoción consistirá en vales desconto de 2 € en taquilla e 1 € nas entradas adquiridas online, que xa contan cun euro de desconto habitual. Os participantes poderán escoller entre seis películas de animación e aventuras:
Super Mario Galaxy
Polloliebre y el Secreto de la Marmota
La Familia Benetón 2
Abuela Tremenda
Evolution
Hoppers
Ampliación da promoción: máis días e máis centros educativos
Como novidade, a campaña amplíase tamén aos venres e aos cursos de 1º e 2º da ESO dos institutos de Viveiro, Xove, Cervo, Burela e Ortigueira. Haberá vales dispoñibles para dúas fins de semana: 8, 9 e 10 de maio e 15, 16 e 17 de maio.
Primeira fin de semana (Viveiro)
Os vales distribuiranse nos seguintes centros:
CEIP de Celeiro
CPR Plurilingüe Landro
EEI San Roque
CEIP Plurilingüe Santa Rita de Galdo
CEIP Plurilingüe de Covas
CEP Lois Tobío
IES María Sarmiento
IES Vilar Ponte
Segunda fin de semana (Mariña Occidental e Ortegal)
Os vales entregaranse en:
CEIP Os Castros e CEIP Vista Alegre (Burela)
CEIP Península da Paz e CEIP de Cervo
CEIP do Vicedo
CEIP Plurilingüe Pedro Caselles Rollán (Xove)
IES Illa de Sarón (Xove)
IES Marqués de Sargadelos (Cervo)
IES Perdouro e IES Monte Castelo (Burela)
IES de Ortigueira
Como utilizar os vales
É imprescindible entregar o vale físico en taquilla para aplicar o desconto. No caso de acudir en familia, se os menores presentan os vales, o desconto aplicarase tamén ao resto da unidade familiar.
Tamén é posible canxear o vale ao mercar a entrada online en www.cinesviveiro.com, seguindo as instrucións indicadas no propio documento. Aínda así, será necesario entregar o vale á entrada da sala. Dado que o aforo é limitado, recoméndase adquirir as entradas por internet. O cine abrirá as portas 30 minutos antes do inicio da sesión para facilitar o acceso.
As entidades organizadoras destacan que Cines Viveiro mantén unha programación activa durante case toda a semana, con estreas moi próximas no tempo ás grandes cidades, ofrecendo así unha oportunidade única para gozar do cine en familia.
A colaboración entre comercio, hostalería e sector audiovisual busca crear sinerxías e contribuír á recuperación e dinamización cultural da comarca. O éxito das edicións anteriores impulsa agora unha campaña máis ampla, que chega a máis poboacións da Mariña e tamén do Ortegal.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
