Foz, 22 de maio de 2026. A voceira do goberno municipal de Foz, Inés López Couto, saíu ao paso das declaracións do popular Javier Jorge Castiñeira sobre os exames de tráfico: “vexo a un Partido Popular completamente desnortado, sen referente. Castiñeira prefire facer mala política que interesarse ou pelexar polo mantemento e mellora de servizos no pobo. Cando sendo el alcalde en verán do 2015 o goberno de Mariano Rajoy anunciaba a centralización dos exames de conducir en Lugo, o grupo municipal socialista apoiouno e defendeu os intereses de Foz. Sen embargo Castiñeira votou en contra a finais do pasado ano 2025 do suplemento de crédito necesario para a informatización das aulas dos exames de conducir. Castiñeira é perfecto coñecedor da situación e do traballo que está realizando o goberno municipal coas autoescolas e co representante da Asociación de Autoescolas de Lugo José Soto”.
Ademais Inés López Couto aclara que “as pistas de Marzán están clausuradas pola Dirección Xeral de Tráfico por motivos de seguridade pola reducida separación a edificios e outros obstáculos. E as novas pistas no parque empresarial de Fazouro para os exames de camión, autobús e moto están pendentes de validación por este mesmo organismo”.
A voceira do goberno municipal remata comentando que “o PP segue a liña de intentar enlodar e prexudicar os intereses municipais como no pleno do pasado mes de abril, cando bloqueou que empresas e autónomos cobrasen polos traballos realizados ao Concello de Foz”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.