O PP advirte de que a maleza obriga os veciños de Barreiros a camiñar pola calzada

José Manuel Gómez Puente denuncia o estado de abandono que presentan moitas zonas do municipio, o que dificulta o tránsito peonil e supón un risco para a seguridade viaria e insta ao Concello a actuar de oficio nas vías municipais e a requirir formalmente á Deputación de Lugo o desbroce nas estradas da súa titularidade

Barreiros, 4 de maio de 2025. Os concelleiros do Grupo Municipal do PP de Barreiros lamentan a imaxe de abandono que presentan actualmente as beirarrúas e as zonas habilitadas para o paseo peonil en numerosos puntos do concello debido á proliferación de herbas e maleza sen controlar que está a invadir os espazos públicos, obrigando en moitos casos aos veciños a camiñar pola calzada con perigo para a súa integridade.

O voceiro popular, José Manuel Gómez Puente, denuncia que a falta de mantemento non é só unha cuestión estética, senón un problema de seguridade viaria e salubridade. “É inaceptable que en plena primavera, preto xa do inicio da campaña de verán, cando máis xente sae camiñar, as beirarrúas estean impracticables e cubertas de silvas e herba”, lamentou.

Unha actuación que deberíade realizarse evitando herbicidas, os coñecidos como glifosato sódico “por ser un producto tóxico para o medio ambiente”.

O voceiro popular insta ao goberno local a que asuma as súas responsabilidades de xeito urxente a través de dúas vías:

– Vías municipais: O Concello debe proceder ao desbroce e limpeza inmediata de todas as zonas que son da súa competencia directa

– Vías provinciais: A alcaldesa debe dirixirse formalmente á Deputación de Lugo para requirirlle a limpeza das marxes e aceras nas estradas da rede provincial que atravesan o noso municipio e que se atopan en estado crítico

“Os veciños de Barreiros pagamos os nosos impostos para ter uns servizos básicos dignos. O Concello non pode mirar para outro lado mentres a maleza devora os espazos de paseo”, explicou.