Ribadeo, 4 de maio, 2026. O BNG de Ribadeo alerta da delicada situación económica do Concello tras o informe do Consello de Contas de 2024
O BNG de Ribadeo expresou a súa preocupación pola situación económica do Concello despois da publicación do informe de fiscalización das entidades locais galegas correspondente ao exercicio 2024, elaborado polo Consello de Contas.
Segundo recolle o documento, Ribadeo presenta aforro neto negativo e un remanente de tesourería axustado tamén negativo, situándose entre os catro concellos con peor situación económica dos analizados. Para o BNG, esta combinación evidencia a necesidade de adoptar medidas urxentes que garantan a sustentabilidade dos gastos correntes.
O portavoz municipal, Martín Graña, sinalou que o informe confirma as advertencias realizadas polo grupo nacionalista nos últimos anos. Indicou que o aforro municipal “se reduciu máis dun 134% entre 2023 e 2024”, o que, segundo afirmou, evidencia un deterioro significativo da situación financeira.
Graña lembrou tamén que Ribadeo é, segundo datos oficiais recentes, o concello da Mariña co período medio de pago máis longo, ademais de ser o que máis incrementou a súa débeda nos últimos anos. Para o BNG, estes factores agravan a situación e teñen consecuencias directas, como atrasos nos pagos a autónomos e empresas, menor capacidade de apoio ao tecido asociativo e unha posible redución do investimento municipal nos vindeiros exercicios.
O portavoz subliñou que a saúde económica municipal “afecta ao día a día da veciñanza, ao mantemento dos servizos e ao desenvolvemento de proxectos de futuro”, polo que reclamou responsabilidade, planificación e transparencia para reverter a situación.
Desde o BNG instan ao goberno municipal a ofrecer explicacións claras e a aplicar un plan rigoroso que permita recuperar a estabilidade financeira. Graña afirmou que o grupo nacionalista mantén o seu compromiso cunha xestión pública responsable e orientada ao interese da cidadanía.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
