Ribadeo, 19 de maio, 2026. Recursos de Galicia (RDG) está a preparar tarifas eléctricas estables e competitivas para as empresas galegas, avanzando así no seu obxectivo de garantir que o investimento en proxectos baseados nos recursos naturais do país teña un retorno social directo. O parque eólico de Mondigo, adquirido por RDG na Mariña Oriental, constitúe o paradigma da nova eólica galega, que aposta por xerar beneficios sociais e permitir que as pemes accedan ás mesmas vantaxes que as grandes compañías na contratación da enerxía.
Co propósito de coñecer o consumo enerxético do ecosistema empresarial da contorna de Mondigo, RDG iniciou unha rolda de encontros cos sectores produtivos da zona. Esta mañá, o conselleiro delegado da entidade, Emilio Bruquetas, reuniuse con representantes empresariais dos concellos de Trabada, Ribadeo e Barreiros, acompañado dos seus alcaldes: Rubén García, Daniel Vega e Ana Belén Ermida.
Nas próximas semanas realizarase unha recollida de datos que permitirá ao equipo técnico de RDG avanzar no deseño dunha ferramenta específica para trasladar ás empresas os beneficios de contar cun activo eólico na súa contorna, tal e como xa se está a facer co consumo doméstico.
RDG pretende estender esta política ao conxunto do territorio galego, garantindo que o 100 % da enerxía producida en Galicia e xestionada pola compañía repercuta na propia comunidade, contribuíndo a mellorar a competitividade das industrias e empresas nos seus custos enerxéticos.
Tras a compra de Mondigo, activáronse os dous primeiros piares da nova eólica galega:
Descontos directos na factura eléctrica para os fogares situados nun radio de 1,8 km do parque, a través do programa Mondigo Beneficia.
Diálogo constante cos veciños e cos concellos, incorporando o interese local e abrindo a posibilidade de participación na propiedade do parque.
O parque eólico de Mondigo comezou a producir electricidade a finais do ano pasado. Conta con 11 aeroxeradores, que suman 49,5 MW de potencia instalada, e está previsto que xere anualmente arredor de 131 GWh.
Sobre Recursos de Galicia
Recursos de Galicia é unha sociedade pioneira en España creada para contribuír á descarbonización da economía, reforzar a autonomía enerxética de Galicia, impulsar prezos competitivos da enerxía e garantir que o desenvolvemento enerxético teña unha repercusión positiva no territorio e nas persoas. O seu lema, «Os nosos recursos, ao noso servizo», resume esta filosofía.
A compañía representa á sociedade galega e exemplifica a colaboración público-privada promovida pola Comisión Europea. A Xunta de Galicia é o principal accionista, mentres que a parte privada está integrada por 32 empresas que sosteñen máis de 21.000 empregos directos e achegan un 14 % do PIB galego.
Entre os seus accionistas privados figuran Abanca; Martabela (Megasa e Finsa); Invernatur (Copasa, Valtalia e Gesuga); Cabicastro (Grupo Nogar, Grupo Pérez Rumbao, Conservas Rianxeira, Lucasiñas e Grupo Revi); Gadisa; Exlabesa; ARP Global; Ain Active; Wind1000; Ence Terra; Iniciativa Patrimonio Natural de Galicia (Grupo Intaf, Genesal, Industrial Recense, Mecanizados Acebrón, Cover Global, Edigal, Tecdesoft, Ertec Iberia, Integria Energía, Empresas Eurozona, Sertogal e Twinleads); Grupo Servicio Móvil; Cerámica Campo; Aceites Abril; e Megaro Foods.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
