Ribadeo, 20 de maio de 2026. O Campo de San Francisco acollerá os días 22, 23 e 24 de maio unha nova edición de Letras no Campo, a feira ribadense do libro, organizada polo Concello, cun amplo programa de actividades culturais arredor da literatura galega, a promoción da lectura e o encontro entre creadoras, creadores e público.
A XII edición de Letras no Campo converterá Ribadeo nun gran espazo aberto á palabra, aos libros e á cultura galega durante tres xornadas cunha programación diversa pensada para todos os públicos. A cita reafirma o compromiso do Concello coa dinamización cultural da vila, o apoio ao sector do libro e o fomento da lectura.
A concelleira de Cultura, Begoña Sanjurjo, explicou que “ao longo da feira desenvolveranse presentacións literarias, encontros con autoras e autores, obradoiros infantís, actividades didácticas, actuacións musicais, divulgación histórica e propostas participativas que achegan a cultura á cidadanía dun xeito próximo e dinámico. A programación destaca pola variedade de estilos e temáticas, desde a narrativa contemporánea ata a saúde, a memoria histórica, a ilustración ou a literatura infantil”.
Entre os nomes destacados desta edición figuran Abril Camino, premio Xerais de Narrativa 2025 e encargada do pregón inaugural; ademais de autoras e autores como María Solar, Paloma García Méndez, Lois Pérez, Farruco Graña, Monse Fernández, Vanesa Arizmendi ou o doutor Manuel Viso, entre outros representantes do panorama cultural galego.
A edil ribadense destacou que “Letras no Campo é unha cita xa consolidada no calendario cultural de Ribadeo. Esta feira permite achegar a literatura galega á veciñanza dun xeito próximo e dinámico, convertendo o Campo de San Francisco nun espazo de encontro arredor dos libros, da creación e da cultura”. E puxo tamén en valor “a importante labor das librarías, editoriais, centros educativos e persoas creadoras que participan nesta iniciativa, contribuíndo a fortalecer o tecido cultural galego e o hábito lector entre a cidadanía”.
Un dos eixos destacados desta edición será Letriñas no Campo, unha programación específica dirixida á infancia e á mocidade con obradoiros, actividades creativas e propostas participativas que buscan fomentar o interese pola lectura e pola lingua galega desde idades temperás.
A feira contará ademais coa participación de distintas librarías e editoriais, así como coa colaboración de entidades culturais, centros educativos e institucións locais que contribúen a consolidar unha cita xa referente no calendario cultural da Mariña.
Entre os actos previstos figuran tamén actuacións musicais, obradoiros de ilustración e reciclaxe de libros, actividades de beatbox para público infantil e a entrega dos premios do Certame de Narración e Debuxo Letras Galegas 2026, convocado pola Biblioteca Municipal El Viejo Pancho.
Desde o Concello de Ribadeo animan “á veciñanza e ás persoas visitantes a participar nesta celebración da lectura e da cultura galega, nun espazo aberto para compartir historias, ideas e emocións arredor dos libros”.
Trátase de Bibliodiscoteca, unha proposta de divulgación da música galega a cargo de María Faltri, que adapta os contidos ao público asistente para visibilizar a rica escena musical dirixida a bebés, nenas e nenos, adolescentes e persoas adultas. A artista convidará a descubrir o fondo musical dispoñible na propia biblioteca e animará a pequenas e maiores a bailar e gozar xuntas. A actividade terá lugar na sala de exposicións da Casa da Cultura e a entrada será libre.
A actividade estivo guiada por Susana Vázquez Fernández, coach de saúde emocional e facilitadora en procesos de duelo e perda, quen impartiu unha charla sobre a xestión do ánimo. Foi un encontro pensado para aprender a relaxarse, fomentar o pensamento positivo e coidar a saúde emocional. A iniciativa contou co apoio e colaboración da Asociación de Xubilados Terramar.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
O alumnado vén de rematar uns fermosos reloxos personalizados, elaborados con dedicación, creatividade e moita ilusión. Unha nova manualidade feita coas súas propias mans que volve poñer en valor o talento e o entusiasmo que se respira nestes talleres. A actividade desenvólvese cada venres na Casa do Mar de San Cibrao, en colaboración con Saúde Mental A Mariña. A concelleira de Muller e Igualdade, Pilar Armada, participa habitualmente nas sesións, onde comproba de primeira man o bo ambiente de convivencia, aprendizaxe e benestar que caracteriza este espazo. Un lugar de creatividade e participación que continúa medrando día a día.
As actividades desenvólvense durante esta fin de semana na capela e a área recreativa do alto da Grela, que acollen os actos litúrxicos e a romaría respectivamente, con animación musical, verbena e un espectáculo infantil entre outras propostas.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
