Ribadeo, 23 de maio de 2026. A Unión de Cidadáns Independentes de Municipios (UCIN) celebrou un encontro de traballo no Hotel Voar de Ribadeo co obxectivo de coordinar a estratexia do equipo local de cara ás próximas eleccións municipais de maio de 2027.
Durante a reunión sentáronse as bases do proxecto político de UCIN Ribadeo, sustentado nun modelo de municipalismo independente, centrado exclusivamente nas necesidades do municipio e da súa veciñanza, pero contando ao mesmo tempo co respaldo dunha estrutura estatal consolidada.
No transcurso do encontro tamén se oficializou o nomeamento de Rafael González Gurillo como coordinador de UCIN A Mariña, reforzando así a estrutura territorial da formación e o traballo político que o partido desenvolverá en toda a comarca durante os próximos meses.
Desde a formación destacaron que UCIN é actualmente a única rede en España que agrupa coordinacións municipais totalmente independentes entre si, permitindo que cada agrupación tome as súas propias decisións sen imposicións nin directrices afastadas da realidade local.
“Ribadeo va a trabajar única y exclusivamente por y para Ribadeo, atendiendo los problemas reales de los vecinos y vecinas”, sinalaron desde a organización.
UCIN definiu o seu modelo como “un gran engranaje formado por pequeñas piezas independientes”, no que cada agrupación se centra no seu concello, pero coa vantaxe de formar parte dunha unión estatal que achega apoio político, técnico e xurídico.
A formación tamén quixo desmontar o tradicional argumento do chamado “voto útil”, defendendo que apostar por unha candidatura municipalista non significa perder forza política. Ao contrario, explican que os concelleiros obtidos nos diferentes municipios permiten sumar representación nas Deputacións Provinciais e noutras institucións supramunicipais.
“No somos un partido pequeño y aislado; somos un gran proyecto formado por pequeños municipios independientes”, explicaron durante o encontro.
Segundo trasladou a coordinación local, pertencer á rede UCIN permitirá a Ribadeo contar cun respaldo sólido para defender proxectos e reclamacións do municipio tanto dentro como fóra do consistorio.
Mesa de traballo con asuntos prioritarios para Ribadeo
Tras a presentación oficial do proxecto, celebrouse unha mesa de traballo na que se abordaron diferentes cuestións consideradas prioritarias para o futuro do municipio.
Entre os asuntos tratados destacaron:
A reclamación de contas e unha maior transparencia institucional.
A convocatoria da Xunta Local de Seguridade.
A solicitude do CIM.
A finalización da residencia de maiores, actualmente sen rematar.
A necesidade do dragado da ría.
A publicación dos resultados das probas realizadas cos sensores instalados na Ponte dos Santos.
A recuperación do observatorio da ría.
Os problemas de aparcamento existentes en Ribadeo.
Desde UCIN Ribadeo aseguran que a maquinaria de traballo xa está en marcha e que os próximos meses serán claves para consolidar un proxecto político centrado en “poñer ás persoas e ás necesidades reais do municipio no centro da acción política”.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
