Lugo, 10 de xuño, 2026. A membro da xunta directiva da Academia Galega do Audiovisual, Lucía Regueiro, e a deputada de Cultura da Deputación de Lugo, Iria Castro, presentaron esta mañá unha nova edición do Ciclo Mestre Mateo na provincia, o circuíto que leva o mellor cinema galego a concellos sen salas comerciais.
Os concellos da Fonsagrada, Foz, A Pobra do Brollón, Monterroso, Taboada, Meira, Sarria e Vilalba acollerán as proxeccións desta edición, que continúa ampliando o acceso ao audiovisual galego e reforzando a rede cultural da provincia.
O público poderá gozar de oito títulos: Sirât, As liñas descontinuas, Antes de nós, San Simón, 360 curvas, O son da nova regueifa, Deuses de pedra e O silencio herdado.
O apoio da Deputación foi determinante para consolidar o ciclo ao longo destes catro anos, nos que se celebraron 232 sesións de cinema con 6.010 espectadores/as, converténdoo nun dos proxectos culturais con maior implantación territorial en Lugo. Regueiro destacou que “a calidade das películas desta edición 2026 e a resposta do público garantirán a continuidade destes excelentes resultados”.
Desde 2022, numerosos concellos da provincia participaron no ciclo, que proxectou 40 películas en centros culturais, auditorios e bibliotecas, achegando o cinema galego a vilas sen salas comerciais.
A deputada de Cultura, Iria Castro, puxo en valor “a continuidade dun ciclo que puxemos en marcha da man da Academia Galega para achegar o audiovisual en galego a vilas sen salas comerciais, abrindo novas canles de difusión e chegando a públicos moi diversos”.
Castro lembrou tamén que o ciclo dá continuidade a un ano no que Lugo foi epicentro do audiovisual galego coa celebración da gala dos Premios Mestre Mateo, e destacou “a ampla representación de profesionais das comarcas de Lugo nas producións finalistas”.
Pola súa parte, Lucía Regueiro subliñou que un dos obxectivos principais do ciclo é “facilitar o acceso a programación de cinema galego actual e de calidade, especialmente para aquelas persoas que non dispoñen dunha oferta comercial nas súas vilas”.
O Ciclo Mestre Mateo, creado en 2022 pola Academia Galega do Audiovisual co apoio da Deputación de Lugo, consolidouse como un proxecto clave para levar o cinema galego a novos públicos e superar as limitacións dos circuítos comerciais.
O proxecto conta coa colaboración da Asociación Cultura M de Meira, o IESCHA de Vilalba, a Asociación Falcatrueiros de Monterroso, a Asociación Petapouco e A Destempo da Fonsagrada, a Sociedade A Unión de Sarria e os concellos da Pobra do Brollón, Taboada e Foz, que organizan a programación das proxeccións. As datas e horarios poden consultarse en ciclomestremateo.gal.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
