O delegado trasladou ao alcalde que este verán licitarase a primeira fase en Arealonga, xa aprobada, cun investimento de 300.965 euros e un prazo de execución de 6 meses
Foz, 5 de xuño de 2026. O delegado do Goberno en Galicia, Pedro Blanco, reafirmou hoxe no Concello de Foz o compromiso do Executivo para licitar este verán as obras de retranqueo do paseo da praia de Arealonga, unha actuación destinada a ofrecer “unha solución definitiva aos problemas ocasionados polos desprendementos rexistrados nos últimos anos no litoral focense”.
Durante unha reunión de traballo co alcalde de Foz, Francisco Cajoto, na que tamén participaron a subdelegada do Goberno en Lugo, Olimpia López, e o xefe da Demarcación de Costas en Galicia, Carlos Gil, analizouse o avance dos dous proxectos impulsados polo Ministerio para a Transición Ecolóxica e o Reto Demográfico a través do Servizo Provincial de Costas.
Pedro Blanco destacou a implicación do Goberno e a colaboración institucional co Concello para facer realidade unhas actuacións que “mellorarán a seguridade das persoas usuarias, reforzarán a protección da costa e adaptarán estes espazos aos efectos dos temporais e do cambio climático”. Subliñou ademais o rigor técnico do traballo desenvolvido por Costas, que completou os estudos de estabilidade dos noiros e definiu as solucións máis axeitadas.
Fase 1: retranqueo do paseo de Arealonga
A primeira fase, xa aprobada e en fase de contratación, permitirá executar un novo trazado de 450 metros sobre terreos públicos cedidos polo Concello, afastando o paseo das zonas máis afectadas polos desprendementos. O investimento previsto é de 300.965,59 euros e o prazo de execución será de seis meses.
Tras a reunión, o alcalde e o delegado desprazáronse ata a zona de Arealonga, onde Cajoto explicou que se acondicionarán camiños municipais para garantir o tránsito peonil e dar continuidade ao paseo tras os derrubes rexistrados preto do Castro de Fazouro.
Fase 2: actuación en Cangas de Foz
O encontro abordou tamén a situación da segunda fase, prevista no entorno de Cangas de Foz, onde o paso permanece cortado desde os derrubes de 2024. O Servizo Provincial de Costas completou xa os estudos técnicos e a redacción do proxecto, que contempla o retranqueo do paseo en dous puntos especialmente afectados. A actuación conta cun investimento de 272.517,52 euros e un prazo estimado de seis meses.
Delegado e alcalde coincidiron na necesidade de avanzar de maneira coordinada para completar os trámites pendentes e posibilitar a súa execución no menor prazo posible.
Outros asuntos tratados
Na reunión abordáronse tamén:
– A análise dos danos estruturais da ponte de madeira da Ronqueira, no paseo entre Rapadoira e Llas, actualmente cortado ao tránsito.
– A posibilidade de crear unha área recreativa na praia da Areoura, unha vez demolidos os antigos chalés.
– O avance dos trámites de reversión dos terreos do peirao, que está a xestionar Portos de Galicia.
Compromiso coa protección do litoral
Pedro Blanco lembrou que o Goberno mantén unha aposta decidida pola protección e recuperación do litoral lucense, cun investimento mobilizado por Costas en Lugo que supera os 6 millóns de euros nos últimos anos.
Pola súa banda, o alcalde de Foz valorou a visita como “moi positiva” e destacou que actuacións como o paseo Peizás–Pampillosa, a ampliación do paseo da Rapadoira, a adecuación da Tamaniña ou a mellora do portiño de Nois “son moi valoradas pola veciñanza”. Subliñou ademais que estas novas intervencións permitirán seguir avanzando na seguridade e na recuperación do litoral focense.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
