Trabada, 15 de xullo de 2026. O Concello de Trabada vén de incorporar unha nova desbrozadora trituradora semilateral para tractor, unha adquisición que supuxo un investimento de 16.504,34 euros e que foi posible grazas a unha axuda do Fondo de Compensación Ambiental.
A nova maquinaria foi adquirida en Talleres Cancelos, empresa situada no propio concello de Trabada, contribuíndo así tamén ao impulso da economía local.
Esta incorporación permitirá reforzar os traballos de desbroce que o Concello realiza ao longo de todo o ano, tanto nas vías municipais asfaltadas como nos camiños de terra, mellorando a eficiencia e a calidade do servizo prestado á veciñanza.
O alcalde de Trabada, Rubén García, destacou que “continuamos renovando e mellorando a maquinaria municipal para ofrecer uns servizos públicos cada vez máis eficaces e adaptados ás necesidades do municipio”.
O rexedor engadiu que “esta adquisición permitiranos seguir mellorando os traballos de conservación e mantemento das vías municipais, ao tempo que apostamos por adquirir equipamento en empresas do noso concello, contribuíndo tamén ao desenvolvemento da economía local”.
Desde o Concello sinalan que esta actuación forma parte da aposta continua pola modernización dos medios municipais, co obxectivo de seguir prestando servizos de calidade á veciñanza.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
