O programa alcanza a terceira edición do torneo de parchís e a segunda dos campeonatos de tute e oca, que se desenvolverán durante os meses de xullo e agosto na Praza da Mariña
Burela, 10 de xullo de 2026. Tras a boa acollida das edicións anteriores, o Concello de Burela organiza unha nova edición de “Xogo e Xente”. Durante os meses de verán celebrarase a terceira edición do torneo social de parchís por parellas e a segunda edición dos torneos de tute e oca, tres citas que teñen como obxectivo fomentar a convivencia, a participación cidadá e o encontro interxeracional a través dos xogos tradicionais.
A programación desenvolverase na Praza da Mariña, a partir das 20:30 horas. O torneo de parchís disputarase os días 20 e 21 de xullo, o de tute os días 3 e 4 de agosto, e o da oca os días 10 e 11 de agosto.
As inscricións poderán realizarse na Casa do Concello ou a través do correo electrónico cultura@burela.org, mentres que as bases completas están dispoñibles na páxina web municipal.
A concelleira de Cultura, Lina Gómez, explica que “con ‘Xogo e Xente’ queremos recuperar os xogos de sempre como un espazo de encontro e convivencia. É unha proposta pensada para que persoas de todas as idades compartan tempo, se coñezan e desfruten xuntas das noites de verán en Burela.”
Pola súa banda, a concelleira de Servizos Sociais, Sandra Fernández, destaca que “este programa demostra que o lecer tamén pode ser unha ferramenta para crear comunidade. A través destes torneos fomentamos a participación, as relacións entre xeracións e un envellecemento activo, facendo da Praza da Mariña un punto de encontro para toda a veciñanza.”
Dende o Concello animan á cidadanía a participar nesta iniciativa, que edición tras edición continúa gañando participación e consolidándose como unha proposta de lecer saudable que promove a convivencia, a recuperación dos xogos tradicionais e a dinamización social durante o verán.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
