Mondoñedo, 7 de xullo, 2026. O IES Plurilingüe San Rosendo de Mondoñedo consolídase como o centro de referencia da Mariña na formación profesional agroforestal. Cunha ampla traxectoria na preparación de profesionais para o sector primario, o instituto mantén unha aposta firme pola innovación, pola actualización das súas infraestruturas e pola colaboración co tecido produtivo da comarca. Todo isto o sitúa como unha opción destacada para quen busca unha formación práctica, especializada e orientada ao emprego.
Nos últimos anos, o centro levou a cabo un importante proceso de modernización. Neste curso entrou en funcionamento un novo invernadoiro tecnificado de alta eficiencia enerxética, equipado con sistemas automatizados de ventilación e rega, instalación fotovoltaica e dispositivos de recollida de auga de chuvia que garanten a autosuficiencia hídrica e enerxética. É un exemplo de sustentabilidade aplicada á produción vexetal e un recurso formativo de primeiro nivel.
A oferta educativa inclúe os ciclos superiores de Xestión Forestal e do Medio Natural e Paisaxismo e Medio Rural (este último en modalidade modular a distancia); os ciclos medios de Aproveitamento e Conservación do Medio Natural e Xardinaría e Floraría; así como o Ciclo Básico de Agroxardinaría e Composicións Florais.
O Concello de Mondoñedo colabora activamente co centro en numerosas iniciativas, xa que estas ensinanzas ofrecen acceso a múltiples saídas profesionais cunha elevada demanda laboral na comarca: axente forestal, axente medioambiental, intérprete ambiental, especialista en maquinaria forestal, persoal de prevención e extinción de incendios, viveirista, florista ou xardineiro, entre outras.
Para o Concello, é un orgullo contar cunha formación tan necesaria para o medio rural e poder ofrecela dentro do propio territorio, nunhas instalacións modernas e en constante mellora. O IES Plurilingüe San Rosendo continúa formando profesionais preparados para afrontar os retos presentes e futuros do sector agroforestal.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
