Lourenzá, 23 de xullo de 2026. O Concello de Lourenzá destaca que programa Verán na Praza viviu onte, mércores, unha xornada moi participativa na Praza do Conde Santo, “cunha excelente acollida por parte da veciñanza e das persoas visitantes. As dúas actividades programadas foron todo un éxito de participación, confirmando unha vez máis o interese que esperta esta programación estival”.
A alcaldesa, Rocío López, explica que “a primeira das propostas, A cabalo en Lourenzá, organizada pola Asociación Cabaleiros de Lourenzá, permitiu aos máis pequenos e pequenas gozar de paseos a cabalo e achegarse ao mundo ecuestre dun xeito divertido e seguro. Ademais a actividade completouse con diferentes xogos e obradoiros infantís, como o tres en raia, actividades de pintura e outras propostas lúdicas, que fixeron as delicias das familias asistentes. Pola súa banda, a Asociación de Sendeirismo Terras de Lourenzá organizou a ruta nocturna polos contornos da vila, unha andaina que reuniu un gran número de participantes para descubrir a natureza, o patrimonio e os recunchos do municipio baixo a luz do serán. A actividade desenvolveuse nun excelente ambiente e contou tamén cunha magnífica resposta por parte do público”.
O Concello de Lourenzá agradece a todas as persoas que participaron nestas actividades e “contribuíron ao éxito da xornada. Un agradecemento moi especial á Asociación Cabaleiros de Lourenzá e á Asociación de Sendeirismo Terras de Lourenzá polo seu traballo, implicación e dedicación na organización destas propostas. Así mesmo queremos facer extensivo este recoñecemento a todo o tecido asociativo de Lourenzá, cuxa colaboración co Concello fai posible unha programación de verán variada, participativa e pensada para todos os públicos”.
O programa Verán na Praza continúa ofrecendo actividades “para dinamizar o municipio e converter cada cita nun punto de encontro para desfrutar do verán en comunidade”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
