Burela, 23 de xullo, 2023. Silvia Rubal Casas (Burela, 1995) tamén formará parte do conxunto de Javier Pardeiro. A ala-pivote, que regresou á máxima categoría co Reyco Burela FS a tempada pasada para achegar veterenía, formalizou a súa renovación para 2026-27.
A 6 laranxa, formada na escola desta casa, conta con notable experiencia nas ligas española e italiana. Estreouse co equipo de Primeira con tan só 15 anos e participou no primeiro dobrete de Liga e Copa coas Guerreiras Laranxas.
Despois dunha tempada con altos e baixos, Silvia amósase moi ilusionada con este novo reto: “Para min esta renovación significa moito máis que seguir xogando. A tempada pasada foi para min a máis bonita pero tamén a máis dura que vivín aquí, deportivamente descendimos pero para min ademais foi unha loita persoal na que tiven que convivir e sufrir problemas de saúde mental, unha parte moi presente no deporte e que segue sendo un tema do que custa falar”.
“Renovo porque aínda que non será fácil, valoro o apoio que recibín do club; inevitablemente desvívome por este escudo e creo que o club está nunha etapa na que necesita máis ca nunca xente que reme. O meu compromiso segue sendo o mesmo que cando cheguei con 14 anos: dar todo o que teño por estas cores”, confesaba a burelá facendo referencia ao seu vínculo especial co Reyco Burela FS.
A liga de Segunda preséntase esixente, segundo a ala-pivote: “Creo que o grupo 1 é o máis competitivo e igualado. Vai ser moi importante crear un equipo sólido dende o primeiro día para sacar a nosa mellor versión cada fin de semana e recuperar a nosa identidade. Con compromiso, humildade e esforzo podemos facer unha moi boa tempada”.
Silvia reafirma a súa responsabilidade cun proxecto que liderará outro gran coñecedor da Familia Laranxa: “Pardeiro era o adestrador en 2010, cando cheguei sendo unha nena e coincidir con el despois de tanto tempo vai ser especial. Coñece perfectamente o que significa este club, os seus valores e a esixencia que sempre supón. Creo que nos vai transmitir ilusión, disciplina e sobre todo sentido de pertenza. Sabe o importante que é construír un equipo unido e recuperar a identidade do club. Ademais, a súa experiencia aquí pode axudarnos moito porque entende tanto a parte deportiva coma a humana” concluía a 6 laranxa.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
