Trabada, 6 de agosto de 2026. Trabadela e o Alto da Cadeira serán os escenarios dunha intensa fin de semana festiva en Trabada, con actividades que combinarán gastronomía, música, tradición e lecer para todas as idades.
A programación comezará o venres 7 de agosto coa tradicional churrascada de Trabadela, que dará paso a unha gran verbena amenizada por Ana Sánchez, nunha cita organizada pola comisión de festas.
O sábado 8 de agosto celebrarase unha nova edición da XXIII Xira da Cadeira, unha das citas máis consolidadas do verán no municipio. A xornada arrancará ás 10:30 horas coa segunda edición do Campionato de Balinera (Carabina), organizado polo Concello de Trabada, cunha inscrición gratuíta e no que as balineras serán facilitadas pola organización.
A continuación terá lugar a procesión en honra a San Marcos e a sesión vermú coa Banda Municipal de Música de Ribadeo e The Sound Project. Pola tarde celebrarase a comida campestre, haberá inchables gratuítos para a cativada, a actuación do Mago Roberto Lolo, verbena con The Sound Project e unha degustación gratuíta de empanada e xamón cocido para as persoas asistentes á comida.
O alcalde de Trabada, Rubén García, quixo destacar “a implicación das comisións de festas e das asociacións do noso concello, que durante todo o ano traballan para organizar actividades que manteñen vivas as nosas parroquias e favorecen a convivencia entre a veciñanza”.
O rexedor tamén subliñou que “desde o Concello seguiremos colaborando con estas iniciativas porque entendemos que apoiar ás asociacións e ás comisións de festas é investir en dinamización social, económica e cultural. Grazas ao seu esforzo e á colaboración entre administración e tecido asociativo conseguimos ofrecer unha programación variada e atractiva para todos”.
Desde o Concello de Trabada anímase á veciñanza e ás persoas visitantes a participar nas distintas actividades previstas e a gozar dunha fin de semana na que a tradición, a música, a gastronomía e o ambiente festivo volverán ser protagonistas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
