Grazas á implantación deste servizo, a veciñanza de Xove dispón dun canal directo de comunicación co Concello para informar dos desperfectos detectados no municipio. Liña Verde promove as boas prácticas ambientais e contribúe ao desenvolvemento dun municipio máis sostible
Xove, 9 de outubro, 2026. O servizo Liña Verde implantouse en Xove no ano 2021. Desde entón, os veciños demostraron unha excelente acollida, como reflicte o uso continuo da plataforma.
As incidencias máis comunicadas corresponden ás categorías de “Aceras e calzadas” (20%), seguidas de “Alumbrado” (17%), “Parques e Xardíns” (11%), “Basuras” (10%) e “Puntos de auga” (10%). Ata o día de hoxe, solucionáronse 497 incidencias comunicadas a través de Liña Verde.
📱 Como utilizar a APP Liña Verde
Para empregar este servizo é necesario descargar a APP Liña Verde desde Google Play ou App Store, segundo o sistema operativo do móbil (Android/iOS). A descarga é gratuíta.
Unha vez instalada, o usuario selecciona o municipio sobre o que quere comunicar a incidencia. O proceso é rápido e sinxelo: Premer en “Nova incidencia”. Escoller a categoría correspondente. A APP detecta automaticamente as coordenadas exactas do punto. Engadir unha fotografía e unha breve descrición. Enviar.
O persoal do Concello recibe a notificación e inicia os trámites para resolver o problema. O cidadán recibe avisos no seu móbil cada vez que se produce un cambio no estado da incidencia.
☎️ Outros medios de contacto
Liña Verde tamén ofrece atención telefónica no número 902 193 768, en horario de 8:00 a 17:00 horas.
Ademais, é posible acceder ao servizo a través do dominio www.lineaverdedexove.es, onde os usuarios poden recibir comunicacións informativas do Concello, consultar puntos de interese do municipio e acceder a información municipal relevante.
O Concello de Xove amosa a súa satisfacción polos resultados acadados e agradece a alta participación cidadá, que reflicte o compromiso e interese dos veciños polo seu municipio.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
