A semana pasada a Plataforma ProLingua presentou, en máis de 70 puntos do país e do mundo enteiro, o seu caderno titulado “55 mentiras sobre a lingua galega”. Aínda non comecei a lelo por falta de tempo, mais si estiven a follealo. Na páxina 6 insírense varias textos curtiños pronunciados por diferentes xentes. Un deles, dito por unha nena nunha biblioteca de Cambre, tocou o meu corazón: “A min gústame falar galego porque me gustan as palabras de cores”.
Eu son o que a sociedade chama unha “neofalante”. Comecei a falar galego hai cinco anos, cando contaba con 18. Decidín mudar a miña lingua materna, o castelán, grazas aos meus estudos de Tradución e Interpretación na Universidade de Vigo. Alí coñecín a numerosos galegofalantes cos que empregaba o galego diariamente. Sempre me gustou a lingua da miña terra, do meu país, e decote sentía envexa e admiración polas persoas que falaban este idioma. Veño dunha contorna castelánfalante e recibín unha educación amplamente castelanizada, con moi pouca presenza do galego, o que fixo que practicamente non dominara este idioma. Por iso, en canto tiven a oportunidade de usar o galego e collerlle o tranganillo, non o dubidei máis e mudei de lingua. Agora falo un idioma co que realmente me sinto “eu mesma”, co que realmente me sinto “unha parte integrante deste país, Galicia”.
Na miña mente sempre rolda a imaxe da mellor profesora de galego que tiven na miña vida. Chámase Fina e daba clases no Instituto Rosalía de Castro de Santiago. O que son os recordos!!…A ela débolle todo. Moitas grazas Fina!
E si, esa nena tiña moita razón. Eu falo galego porque me gustan as palabras de cores!!
Mar López González (CambiaGalicia).
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
