O Valadouro, 20 de decembro de 2018.- O delegado territorial da Xunta en Lugo, José Manuel Balseiro, explicou que o concello do Valadouro recibiu do Goberno galego preto de 1 millón de euros do Fondo de Cooperación Local dende o ano 2014, un investimento que “o goberno local pode investir naquelas competencias municipais que considere prioritarias”.
Balseiro lembrou que o abastecemento é un servizo de competencia municipal “polo que a responsabilidade de que chegue a todos os veciños e estea en boas condicións recae no goberno local”. Neste sentido, subliñou que a Xunta colabora coas arcas municipais a través de diversos programas de investimento, “precisamente para axudar aos concellos a sacar adiante obras e servizos da súa competencia”.
Na mesma liña, sinalou que durante ese mesmo período “o concello percibiu máis de 800.000 euros do Fondo de Compensación Local tamén para obras e servizos municipais, que o goberno local que dirixe Edmundo Maseda puido destinar a mellorar o abastecemento”.
De feito, explicou Balseiro, o concello recibiu este ano con cargo a este fondo 165.000 euros, e destinou unha parte a realizar melloras na estación depuradora de auga potable situada en Santa Cruz. O pasado ano foron 171.660 euros e tamén se financiou, entre outros traballos, a conexión do Campo do Árbol á rede de saneamento.
O delegado lembrou que a Xunta distribúe ambos fondos en base a criterios obxectivos. O Fondo de Cooperación atende especialmente a criterios de poboación, pactados coa Federación Galega de Municipios e Provincias (Fegamp), e o Fondo de Compensación ao volume das instalacións eólicas asentadas en cada municipio.
“O Goberno galego inviste en todos os concellos con criterios de transparencia e equidade, realizando obras, impulsando os servizos de xestión propia, e contribuíndo a que os concellos poidan desenvolver as súas competencias en beneficio de todos os veciños e veciñas”, concluíu Balseiro.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
