Burela 22-12-18. As Guerreiras Laranxas encamiñaron á perfección na primeira parte a cita ante UCAM ElPozo Murcia, a última vitoria de 2018, o mellor agasallo do ano, que mantén ás pupilas de Julio Delgado e Lucas no cume de Primeira RFEF Liga Foro 16 Feminismo. Dany, Lara Balseiro e Cami deron a vantaxe de 3-0 ao descanso, completada por Peque por partida dobre, no 35 e 37, e Jenny, no 38.
Dany abriu a lata xa no minuto 2, á escuadra. Responderon ben as da UCAM con dúas chegadas moi perigosas baixo paus de Ana Romero. As filas murcianas salvaron o segundo na liña de meta no minuto 8, pero na seguinte ocasión o Pescados Rubén non perdoou, con finalización de Lara Balseiro, asistida por Dany. E no 11, Cami ampliou a renda. Pepa protagonizou unha das perigosas para as visitantes, no 16, cun centro, que se paseou por diante da gardameta local e non atopou rematadora. Cilene e Cristina aínda dispuxeron de boas ocasións antes de marcharse a vestuarios.
Na segunda parte as mariñás estreláronse ata a extenuación contra a rede de Ire. A piques de cumprirse o 25 a punto estivo de sorprender cun balón alto. Nuns minutos de asedio laranxa, Cristina tamén puxo en apertos a meta levantina; antes avisaran o tándem Peque-Cami. No 29, Pepa salvou a tentativa de Luci, a pase de Dany. Restando cinco minutos para o final, Peque por fin puxo o 4-0. Tan só medio minuto despois Jenny puido marcar o quinto diante de Ire, sen éxito. Con todo, non acababa aí a cita; no 37, a internacional española volveu ver portería cun potente disparo, completando a vantaxe Jenny, no 38.
2019 estrearase o 12 de xaneiro, coa visita das laranxa na xornada 14, á pista de Universidade de Alicante.
Ficha técnica
Pescados Rubén Burela FS: Ana Romero, Dany, Jenny, Lara Balseiro, Luci, cinco inicial Cami, Peque, Cristina, Cilene
UCAM ElPozo Murcia FSF: Cristina, Mari, Patricia, Natalia Montoro, Rocío, cinco inicial; tamén xogaron Toñi, Pepa, Lola, María, Ire, Susana
Goles: 1-0, minuto 2, Dany; 2-0, minuto 9, Lara Balseiro, 3-0, minuto 11, Cami; 4-0, minuto 35, Peque; 5-0, minuto 37, Peque; 6-0, minuto 38, Jenny;
Árbitros: Castro Nantes // Sierra Márquez (Galicia). Por Burela amarela a Jenny (minuto 14). Por UCAM amarela Ire (minuto 22), N. Montero (minuto 16)
Incidencias: Partido correspondente á xornada 13 de Primeira RFEF Liga Foro 16 Feminismo disputado en Vista Alegre ante preto de 500 persoas.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
