Viveiro 17-1-19. Con motivo do 130 aniversario do nacemento do pintor viveirense Simbolista, Manuel Bujados, proponse a cesión, dunha colección particular de Lage-Seara, con máis de 20 traballos,orixinais impresos, realizados polo artista nos anos 10/20 para a prestixiosa “La Esfera”. Unha revista de luxo, 1914-1931 a cor e con bos acabados,
que foi considerada a mellor da época a nivel mundial, na que colaboraron Emilia Pardo-Bazán, Unamuno, Jacinto Benavente, José Francés, Kaulak, Pérez de Ayala,
Wenceslao Fenádez Florez, Juan Ramón Jiménez, Manuel Machado…
O artista é un dos máis grandes ilustradores de principios do séclo XX, o Gustav Klimt español, precursor do prerrafaelismo inglés e o Art Decó.
Na súa época colleitou éxito profesional, ademais de aportar innovación e calidade.
É unha aposta clara pola divulgación do seu legado artístico, vencellado a un mundo
máxico, fantásico, místico, fúnebre, melancólico… Na arte é un moi recoñecido, quizais xunto a Maruja Mallo, os máis internacionais, nado na vila en 1889 e finado na Arxentina en 1954. Ter para desfrute público, parte do seu traballo sumaría á gran riqueza patrimonial e cultural. A mellor forma de estudalo, velo e vivilo, de facerlle unha homenaxe, un guiño real, e que persista no tempo un persoeiro tan importante para Arte nacional.
A día de hoxe, teñen no seu depósito obras del institucións públicas coma
A Deputación de Lugo, Xunta, privadas coma Abanaca ou particulares.
Coa cesión, o Concello de Viveiro, ampliaría a súa oferta cultural ó mesmo tempo de ensalzar a figura. As condicións e obrigas, serían tratadas polas partes, sinxelas e sen coste, por un período de 25 anos renovable ou doación vitalicia, negociación
da enmarcaxe dos mesmos para expoñelos permanentes, nun lugar público e visible con vinilo informativo.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
