Mondoñedo, 17 de xaneiro do 2018.Segundo o portavoz municipal do BNG en Mondoñedo, Eloi Cabanas, “nestes momentos, os 322 nenos e nenas pertencentes ao Centro de Saúde de Mondoñedo non son atendidos por persoal pediátrico salvo casos de gravidade”, e anunciou que a deputada do BNG Olalla Rodil acaba de presentar varias iniciativas no Parlamento Galego para esixir da Xunta de Galiza a cobertura inmediata do servizo de pediatría nos Centro de Saúde dos concellos de Mondoñedo, Lourenzá e Barreiros.
O Voceiro nacionalista explica que a pediatra titular do Centro de Saúde de Mondoñedo está sendo compartida cos centros de Lourenzá e Barreiros, limitando a súa actividade en Mondoñedo a 3 horas os luns, mércores, xoves e venres toda a mañá o que provoca que moitas veces as nais e pais deban trasladarse a outra localidade o ata o Hospital da Costa para que as crianzas sexan atendidas.
A baixa sen cubrir da profesional “non é de recibo”, xa que non se poden atender con normalidade as patoloxías das crianzas, “agora os menores son derivados a médicos de cabeceira o que sobrecarga aínda máis o traballo dos médicos do Centro de Saúde, situación que se agrava cando falta algún facultativo, e se deciden derivalos ao Servizo de Urxencias do Hospital da Costa estes son vistos por persoal de urxencias non pediátrico en primeira instancia.
Unicamente o Sergas habilitou un/unha facultativa de familia unhas horas en quenda de tarde para a atención das revisións establecidas de nenos sans de 0 a 3 anos e para vacinacións.
-“Presentar unha moción no concello para que se cubra a praza cando a titular se ausente por baixa o vacacións, como fixo o goberno local en novembro, non é suficiente”-
Eloi Cabanas pídelle á alcaldesa de Mondoñedo, Elena Candia, responsabilidade e que faga valer o seu peso político ante o goberno da Xunta de Galicia, “se é que de verdade o ten”, para garantir o servizo de pediatría de forma permanente nos concellos afectados.
“De nada serve querer asentar poboación no concello cando temos uns servizos sanitarios tan deficitarios” conclúe.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
