Burela 19-1-19. O Pescados Rubén Burela FS pecha a Tarde Laranxa mantendo a súa imbatibilidade tras un duro empate ante outro dos candidatos ao ascenso, Software DELSOL Mengíbar (1-1). Os de Juanma Marrube seguen no cume, igualados con Manzanares a 39 puntos, grazas á súa capacidade de traballo e sacrificio. Tras a vantaxe dos andaluces na primeira parte en catro para tres, coa expulsión de Renato, a escuadra burelista medrou na segunda, canalizando emocións e xerando e xerando ocasións, ata que puxeron táboas en xogo de cinco, na recta final, e ata puideron conseguir os tres puntos nun dobre penalti.
Non defraudaron mariñáns e andaluces na xornada 17 de Segunda LNFS. Ambas as escuadras saíron por todas, cos seus metas como grandes baluartes. Á tentativa de R. Vargas no primeiro minuto, respondeu Buendía contra o pau. Insistiron antes do ecuador da primeira parte Juanfran, nun balón que chegou sen forza ás mans de Zardoya, máis tarde Hélder, cun pé prodixioso do meta rival, e Iago Míguez, rozando o pau. Con todo, despois chegou o traballo para Edu, con dúas boas actuacións fronte a Aranda, no 13. A falta de 2’35” para o descanso, os mariñáns quedaron en inferioridade pola vermella directa a Renato; aguantaron ben as embestidas dos andaluces, pero restando 50 segundos, Miguelao adiantou o Mengíbar aproveitando unha serie de rexeites nas inmediaciones da rede de Edu.
Intentárono os de Juanma Marrube ante a extenuación. Zardoya gañou o man a man ante Luisma, no 26, e bloqueou o potente disparo afastado de Pope, segundos despois. Estreláronse unha e outra vez os mariñáns contra a rede rival fronte a un Mengíbar moi concentrado en defensa; con tan só dúas chegadas á portería de Edu. A falta de 2’34” para o final, Luisma liderou e xogo de cinco e foi precisamente o 6 mariñán o encargado de subir o empate restando 1’32”, ao segundo pau tras pase cruzado de Matamoros. Precisamente o sempre máxico Mata tivo a vantaxe nun dobre penalti a 28 segundos, tras a segunda amarela de José López, freado por Rafa.
Ficha técnica
Pescados Rubén Burela FS: Edu, Luisma, Renato, Pope, R. Vargas, cinco inicial; tamén xogaron Hélder, Juanfran, Porto, Lucho, Matamoros, Iago Míguez
Software DELSOL Mengíbar: Zardoya, Ureña, Colacha, Dani Aranda, José López, cinco inicial; tamén xogaron Tortu, Manu Orellana, Miguelao, Emilio Buendía, Tony, Rafa
Goles: 0-1, minuto 20, Miguelao; 1-1, minuto 39, Luisma
Árbitros: De Juana González // Sánchez Llorente (Cantabria). Por Burela amarela a Iago Míguez (minuto 10), Lucho (minuto 21), Pope (minuto 40); vermella a Renato (minuto 18). Por Mengíbar amarela a José López (minuto 12 e 40), Miguelao (minuto 36), Emilio Buendía
Incidencias: Partido correspondente á xornada 17 de Segunda LNFS disputado en Vista Alegre ante unhas 900 persoas. Gardouse minuto de silencio polo falecemento de Tomás Mateos Ruano, avó da capitá do equipo de Primeira RFEF, Bea Mateos.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
