A Mariña, 22 de xaneiro de 2019. A Mancomunidade de Municipios da Mariña Lucense promocionará a súa oferta turística como xeodestino na próxima edición de Fitur que arranca este mércores, 23 de xaneiro, en Madrid.
Farao, por un lado, na presentación que terá lugar o próximo xoves ás 18horas no stand de Turismo de Galicia baixo o título A Mariña Lucense, máxica por natureza e na que, ademais do presidente da Mancomunidade Alfredo Llano, intervirán tamén o delegado da Xunta en Lugo, José Manual Balseiro, e o presidente da Deputación Provincial, Darío Campos.
Para a ocasión presentarase un vídeo realizado por Vagalume Audiovisual no marco do convenio firmado coa Axencia de Turismo de Galicia. Ten unha duración de dous minutos, que dunha forma dinámica mostra os atractivos turísticos, o que é e o que ofrece A Mariña Lucense. Nese vídeo pódese gozar da beleza do Camiño Norte de Santiago e do Camiño Natural Ruta do Cantábrico, a natureza e as incribles paisaxes, os deportes náuticos, o sendeirismo, o trail ou a bicicleta de montaña, a gastronomía, o patrimonio cultural, o xeoturismo, as festas e festivais, as praias e costa, a cultura mariñeira ou a artesanía.
Nesta presentación a Mancomunidade fará fincapé na rica diversidade, versatilidade e autenticidade deste xeodestino, puntos clave na súa diferenciación, co obxectivo de promocionar A Mariña Lucense como un destino a onde viaxar en calquera época do ano.
Durante a celebración de Fitur a Mancomunidade promocionará aqueles principais atractivos, características e produtos como pode ser a Ruta da Faba, a creación de experiencias para a comercialización do destino do GDR – Terras de Miranda, as audioguías teatralizadas da Mariña Lucense, as Rutas de Artesanía ou A Mariña Virtual, entre outros.
O presidente da Mancomunidade de Municipios da Mariña contou que “onte tivemos unha reunión da Mancomunidade, coa participación de representantes de practicamente todos os concellos, e estivemos visualizando o vídeo que vamos presentar o xoves ás seis da tarde en Fitur. É un traballo audiovisual que gustou a todo o mundo, está ben feito e recolle algo da esencia dos 16 concellos que conformamos a Mancomunidade. Tamén estivemos falando de buscar a mellor maneira de facernos ver, as intervencións que vamos realizar e desde logo vamos movernos todos, tanto a xerente de turismo como todos os alcaldes e concelleiros que vaian a Fitur, para dar a coñecer a comarca, falar con operadores turísticos, con persoas que nos poden botar unha man para dar a coñecer A Mariña e despois asistir ás presentacións institucionais que se fagan da provincia de Lugo”. E engadiu: “procuraremos que os días 23, 24 e 25 de xaneiro, cando imos estar alí presentes, entre todos enfocar ben a zona da Mariña con respecto a turismo e a todo o que sexa vantaxoso para motivar a que nos visiten. É o que vamos procurar facer eses tres días en Fitur”.
A xerente e o presidente da Mancomunidade manterán reunións con operadores turísticos co obxectivo de mellorar a presenza do destino e para que valoren incluír A Mariña Lucense entre a súa oferta, ademais de presentarlles toda a variedade de recurso, produtos e servizos turísticos deste xeodestino.
Ademais da presentación da Mancomunidade, A Mariña Lucense tamén se promocionará ata en nove ocasións máis dunha forma ou doutra da man da Deputación de Lugo coa presentación Provincia de Lugo: mucho por celebrar, da Xunta de Galicia coas presentacións de Cascos históricos de Galicia, dentro das Semanas Santas de Interese Turístico de Galicia, de Fest Galicia sobre os festivais da comunidade, da WAOH Route! Turismo de buceo en Galicia, da Asociación de Empresarios de Hostelería e Turismo da Provincia de Lugo coa presentación da Nueva Edición da Guía Gastronómica “…E PARA COMER LUGO”, da Consellería de Medio Ambiente con Árboles singulares de Galicia e do Concello de Ribadeo coa presentación do Ribadeo Indiano na Casa de Galicia.
A Mancomunidade de Municipios promocionarase como xeodestino en Fitur
Relacionado
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
