Madrid, 24 de xaneiro de 2019.- O delegado territorial da Xunta en Lugo, José Manuel Balseiro, subliñou hoxe que A Mariña “ten recursos dabondo para atraer visitantes durante todo o ano, non só no verán, e esta é a primeira mensaxe que queremos deixar en Fitur”.
Balseiro participou na presentación do programa “A Mariña, máxica por natureza” que promoveu a Mancomunidade de Municipios no stand da Xunta de Galicia na Feira Internacional do Turismo que se celebra en Madrid, unha das máis relevantes do sector a nivel mundial.
“Tratamos de facer ver que A Mariña e é un destino de múltiples experiencias, que ademais de praias que son auténticos monumentos naturais e temperaturas suaves, ten patrimonio cultural, ten montaña, gastronomía, e moitos outros ingredientes para conformar unha oferta de calidade, desestacionalizada e competitiva”, afirmou o delegado.
Balseiro puxo de manfiesto o apoio da Xunta á Mancomunidade de Municipios na xestión do xeodestino e outras iniciativas que desenvolve a Xunta para “dar a coñecer e mellorar os recursos do territorio, con iniciativas como o museo virtual sobre a comarca que funciona dende hai uns meses no Cenima de Foz”.
O delegado afirmou que A Mariña ten unha presencia destacada na feira, xa que participa doutros programas da Xunta de Galicia que tamén se presentaron hoxe en Fitur, como os Trens Turísticos ou a Semana Santa -con mención importante para a de Viveiro-.
Igualmente, a Consellería de Cultura e Turismo presenta os proxectos e accións que encherán de cultura e vida Galicia durante o Xacobeo 21, no que o Camiño Norte estreará a declaración de Patrimonio da Humanidade; e tamén a marca Fest Galicia, creada pola Consellería para promocionar a Comunidade como destino musical coa súa ampla oferta de festivais que funcionan de xeito profesional.
En total, o stand que instala a Xunta, a través de Turismo de Galicia, acollerá máis de 40 presentacións, tanto as organizadas pola Consellería de Cultura e Turismo como das entidades que así o solicitaron.
Paralelamente, a propia Consellería de Cultura e Turismo participa no Workshops Hosted Buyers, encontros B2B (Business to Business), unha das principais accións profesionais da feira para establecer contactos cos principais operadores turísticos internacionais. E o sector turístico galego dispón no stand dunha área específica de traballo e punto de encontro para as súas relacións comerciais
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
