Foz, 25 de xaneiro de 2019. O Centro Comercial Aberto de Foz entregou os premios aos gañadores do Concurso de Escaparates e Fachadas, que foi convocado no Nadal.
O xurado decidiu que o primeiro premio fose para Pastelería Amarena, o segundo para Electricidad Núñez e o terceiro para Viajes Rodríguez. E Monda Proxectos obtivo o premio á mellor fachada. Os donos e donas destes establecementos recibiron como agasallos un diploma e unha figuriña conmemorativa, que lles foron entregadas polo presidente, polo vicepresidente e pola secretaria de ACIA/CCA de Foz, José Carlos Paleo, José Ginzo e Olaya Pedrosa.
O escaparate de Pastelería Amarena foi tamén o máis votado a través da páxina de facebook do Centro Comercial Aberto de Foz. Neste caso coincidiron as opinións do xurado e do público.
Charla, o luns
O Centro Comercial Aberto de Foz organiza neste mes de xaneiro un ciclo de conferencias titulado Impulsa o teu negocio. Están dirixidas a autónomos e empresarios.
O poñente é Alberto Ferreiro, empresario, conferenciante, mentor e formador de emprendedores, autónomos e empresarios con máis de quince anos de experiencia no mundo dos negocios.
A primeira charla, ¿Es escravo ou dono do tu negocio?, tivo lugar o pasado luns. E a segunda será o 28 de xaneiro na Casa da Cultura ás 20:30 horas. Esta leva por título Cómo converter o teu negocio nunha empresa de éxito. Nela poñerase o foco sobre os puntos máis importantes que determinan hoxe en día o éxito dunha empresa, e non soamente referido á conta de resultados senón a acadar un estilo de vida que permita disfrutar ao máximo dos proxectos tanto profesionais como persoais.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
