Lugo, 25 de xaneiro de 2019. O Presidente, Darío Campos Conde, xunto ao voceiro do Goberno, Álvaro Santos Ramos, e a Deputada de Promoción Económica e Social, Sonsoles López Izquierdo, mantiveron un encontro este venres cos 23 novos empregados que comezaron a traballar na Deputación grazas ao programa Primeira Oportunidade. A través desta iniciativa, o Executivo Provincial ofrece a posibilidade de ter unha primeira experiencia laboral a recén titulados en Formación Profesional e Graos impartidos na provincia de Lugo, así como a persoas que, pese a ter traballado noutros eidos, non tiveron a oportunidade de desenvolverse no seu ámbito profesional específico.
Durante o encontro, os novos empregados que acaban de incorporarse á Institución Provincial, asinaron os seus contratos laborais. Campos Conde deu a benvida aos traballadores e sinalou que “con esta programación de emprego tratamos de ofrecer experiencia a mozos que remataron os estudos e buscan acceder ao mercado laboral, así como a persoas que non tiveron a oportunidade de traballar no sector no que se formaron, ao mesmo tempo que reforzamos os servizos da Deputación, podendo ofrecer unha mellor atención aos cidadáns”.
Nesta liña, o Presidente puxo en valor a necesidade de reter o talento lucense e evitar a fuga de talento, “un problema ao que damos resposta, poñendo en marcha esta liña de emprego. Deste xeito, ofrecemos saídas e experiencia laboral na nosa provincia, apoiando a un dos colectivos con maiores dificultades á hora de conseguir un posto de traballo: mozos que recentemente acaban de rematar os estudos e buscan o seu primeiro emprego. Esta programación é un exemplo máis da nosa preocupación por un dos sectores máis castigados e con maior taxa de paro como é o xuvenil”.
Perfís contratados
Trátase de contratos en prácticas cunha duración máxima de 2 anos que se deseñaron en base á oferta formativa lucense en Formación Profesional e estudos de Grao, así como atendendo ás necesidades dos servizos da Deputación. Os perfís contratados dentro do Plan de Primeira Oportunidade son:
– Graduado en administración e dirección de empresas
– Técnico superior en administración e finanzas
– Técnico superior en desenvolvemento de aplicacións web
– Técnico superior en marketing e publicidade
– Técnico superior de artes plásticas e deseño en fotografía
artística
– Titulado superior en deseño gráfico
– Técnico superior en administración de sistemas informáticos en rede
– Técnico superior en asistencia á dirección
– Enxeñeiro agrónomo
– Enxeñeiro técnico en topografía
– Técnico en xestión forestal e do medio natural
– Enxeñeiro técnico agrícola
– Graduado en humanidades
– Técnicos superior en sistemas de telecomunicación e informáticos
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
