O Parlamento de Galicia insta á Xunta a promover diante das institucións competentes unha maior adaptación da normativa vixente á realidade actual do sector pesqueiro; o obxectivo final é ofrecer solucións normativas que sirvan para superar as dificultades que se están a dar a día de hoxe á hora de atopar titulados náuticos que queiran enrolarse nos barcos
NOTA DE PRENSA
A INICIATIVA DESTINADA A IMPULSAR A REFORMA DO SISTEMA DE FORMACIÓN NÁUTICO PESQUEIRA E A REGULAMENTACIÓN SOBRE TRIPULACIÓNS MÍNIMAS NOS BUQUES SAE ADIANTE EXCLUSIVAMENTE COS VOTOS A FAVOR DO PP E COA OPOSICIÓN DE PSOE E BNG
* A Cámara galega demanda tamén que se senten as bases para harmonizar as esixencias legais dos cadros mínimos de tripulación a nivel europeo e internacional para evitar que a nosa flota saia prexudicada.
* Representantes do sector pesqueiro mariñán presenciaron no día de onte o debate da iniciativa desde a tribuna do público, dado que se trataba dunhas peticións consensuadas con eles, moi especialmente cos axentes dos portos de Burela e Celeiro
Santiago, 24 de febreiro de 2010.- Socialistas e nacionalistas non apoian no Parlamento de Galicia, no día de hoxe, a iniciativa do PPdeG destinada a impulsar a reforma do sistema de formación náutico pesqueira e a regulamentación sobre tripulacións mínimas nos buques iso a pesar de que se trababa dunha proposta de acordo que previamente se había consensuado cos representantes do sector pesqueiro. Malia todo, a iniciativa saíu adiante cos votos favorables do Grupo Popular que, a través do seu voceiro do Mar, José Manuel Balseiro Orol defendeu que Galicia debe liderar a petición e o sentido do cambio que a normativa vixente precisa para que poida adaptarse á realidade actual dun sector pesqueiro que, desafortudamente, se está a atopar con enormes dificultades para atopar titulados náuticos que queiran enrolarse nos barcos.
O acordo da Cámara galega solicita que se proceda a revisión da normativa vixente sobre asignación de tripulación mínimas (que data do ano 1964) de tal xeito que esta reflicta a actual situación tecnolóxica da flota e se adecúe co actual sistema de formación profesional dos tripulantes.
HARMONIZACIÓN EUROPEA
O Grupo Popular tamén defendeu a necesidade de que os barcos galegos non se vexan prexudicados ante a diversidade normativa que existe entre os distintos países europeos, en materia de cadros mínimos. Para evitar que esta disparidade de criterios provoque unha competencia desleal en detrimento da nosa flota o acordo final defende que se senten as bases para harmonizar as esixencias legais dos cadros mínimos de tripulación a nivel comunitario, aplicando novas normas homologables tamén dentro da Organización Marítima Internacional.
PRESENCIA DO SECTOR PESQUEIRO MARIÑÁN
Aínda que foi hoxe cando se materializou o sentido do voto das distintas forzas políticas, no transcurso da votación, foi onte cando a última hora do serán tivo lugar o debate da iniciativa. Precisamente as intervencións dos distintos voceiros do Mar foi seguida por varios representantes do sector pesqueiro mariñán que estaban na tribuna do público do Parlamento de Galicia. A súa presencia tiña por obxecto amosar o apoio a unhas peticións que previamente foron consensuadas por eles e que formaban parte do acordo proposto na iniciativa. Cómpre subliñar que a necesidade de promover unha reforma nesta normativa foi demandada moi especialmente polos axentes que operan nos portos de Burela e Celeiro. Malia todo PSOE e BNG votaron en contra dela.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
