Campos: “Comezou a caza de bruxas e campaña sucia do Partido Popular que desprestixia ás persoas como fai sempre”

Lugo, 13 de febreiro de 2019. Ante a nova información manipulada e terxiversada feita hoxe polo Partido Popular, o Presidente da Deputación de Lugo, Darío Campo Conde, trasladou o seguinte a preguntas dos medios de comunicación:

“Comezou a campaña sucia do Partido Popular. Hoxe fan referencia a unha persoa que leva traballando na Deputación hai meses, ao igual que outros 10 profesionais, que pasaron uns procesos de selección públicos e abertos a todos os cidadáns, nos que evidentemente non se miran as condicións persoais ou ideolóxicas de ninguén… Entre estas 10 persoas haberá de seguro votantes do PP, PSOE, BNG ou de calquera outra formación política, cuestión que descoñecemos…”.

Son 10 persoas que pasaron uns procesos selectivos públicos e abertos, permitíndolles formar parte de bolsas de emprego da Deputación como persoal laboral público con carácter temporal, ás que se acoden en funcións das necesidades laborais na institución.

“Na Deputación convócanse procesos selectivos abertos a todos os cidadáns e totalmente transparentes, dos que se ocupan técnicos provinciais e profesionais doutras institucións, que tamén participan en procesos nos Concellos…”.

“Onte falaban doutro traballar público que recibiu unha atribución temporal de funcións, ao igual que outras 18 persoas mais. E entre elas haberá xente que vote a uns partidos e outros…”.

“Pero bueno… estamos na caza de bruxas do PP, que ten uns problemas internos duros e difíciles e que dalgunha maneira ten que embarrar o escenario político e o fai sempre desprestixiando ás persoas, como xa non ten acostumados”.