Lourenzá, 22 de febreiro, 2019. Francisco Javier Rodríguez Barrera será o candidato do PP á alcaldía de Lourenzá. Así o decidía por unanimidade a executiva local do Partido nunha xuntanza mantida este xoves tras anunciar a actual voceira do Grupo Municipal Popular, Emma Álvarez, o seu desexo de non repetir á fronte da lista de cara ás eleccións municipais do vindeiro 26 de maio. Álvarez, que preside a executiva local, continuará ao fronte do Partido Popular no municipio co obxectivo de “seguir traballando na defensa dos intereses dos laurentinos”.
Javier Rodríguez Barrera amosou o seu agradecemento ao Partido Popular pola confianza para liderar o proxecto no municipio laurentino co obxectivo de recuperar a alcaldía e “devolver aos veciños un Goberno construtivo que traballe en beneficio de todos e todas”.
Pola súa banda, a presidenta do PP de Lugo, Elena Candia, agradece a Emma Álvarez e a todo o Grupo Municipal Popular o seu traballo, esforzo e dedicación dende a oposición e anima ao novo candidato popular a traballar para “sacar ao Concello do declive no que o meteu o Partido Socialista”.
O candidato popular aposta por “retomar os proxectos iniciados polo anterior Goberno popular e colaborar cos veciños e veciñas, o tecido empresarial e o asociativo”. Nese sentido, considera necesario “potenciar o asentamento de empresas no polígono industrial do municipio e traballar por reverter a desaparición de tendas e comercios en Lourenzá”.
Igualmente, Rodríguez Barrera amósase convencido do potencial do rural no municipio e, nese sentido, cre que “tanto os nosos montes coma a produción da faba merecen o esforzo do Goberno local para poñelos en valor”.
En materia de servizos sociais, o candidato do PP á alcaldía aposta por “ofrecer a atención que se merecen os nosos maiores e, especialmente, aqueles que viven sos”. Tamén avanza Rodríguez Barrera a súa disposición para establecer os contactos necesarios para potenciar o patrimonio laurentino. Concretamente, cre necesaria “a restauración do mosteiro así coma realizar as xestións necesarias para darlle un uso público”. E, en materia deportiva, aposta pola creación dunha pista de atletismo como xa tiña previsto o anterior equipo de Goberno do PP”.
Currículo
Francisco Javier Rodríguez Barrera traballa no servizo municipal de augas do Concello de Lourenzá dende fai 21 anos e forma parte do Grupo Municipal Popular tras concorrer nas pasadas eleccións municipais como número 2 da lista encabezada por Emma Álvarez.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
