Lugo, 2 de marzo de 2019.- A subdelegada do Goberno, Isabel Rodríguez, avanzou hoxe o inminente comezo dun importante proxecto para a mellora das comunicacións na Mariña. Trátase das obras de rehabilitación estrutural do firme da estrada N-642. Isabel Rodríguez destacou “a importancia destas obras que poñen de manifesto, de novo, que o compromiso deste Goberno coa mellora das infraestruras da provincia de Lugo demóstrase cos feitos”.
“O Executivo de Pedro Sánchez aposta pola modernización das comunicacións da provincia de Lugo e traballa para acabar coa marxinación á que foi sometida a comarca da Mariña”, remarcou Rodríguez. Explicou tamén que “con ese obxectivo o ministerio de Fomento vai investir case 2 millóns de euros, é un importante esforzo económico para poñer a punto a principal vía de comunicación da Mariña, para facilitar os desplazamentos de veciños, transportistas e turistas e para mellorar a seguridade vial da comarca.
A subdelegada lembrou que o Goberno deulle prioridade a esta rehabilitación estrutural porque a N-642 é unha vía de comunicación fundamental para a provincia, xa que esta estrada vertebra unha comarca moi poboada e de gran importancia para a economía da nosa provincia como é a Mariña.
1,5 MILLÓNS EN OBRAS DE URXENCIA
O ministerio de Fomento executará este proxecto logo das actuacións de urxencia que xa levou a cabo nos últimos meses, que supuxeron un investimento de máis de 1,5 millóns de euros, para paliar o mal estado desta estrada, logo de anos de abandono que provocaron un grave deterioro no seu pavimento, co conseguinte perigo para os condutores. O gran deterioro no pavimento, con fochancas de ata 10 cm de profundidade, obrigou a facer o ano pasado dúas actuacións de emerxencia nesta vía, unha por importe de 620.383 euros e outra de 729.567 euros.
DOCE MESES DE EXECUCIÓN
As obras que agora se van acometer consistirán na rehabilitación estrutural do firme da N-642, unha actuarción que se realizará en máis de 21 kilómetros, e teñen un prazo de execución de doce meses. Concretamente, esta nova actuación executarase entre os puntos kilométricos 26+950 e 28+800 e do 36+500 ao 55+000.
ÚLTIMA HORA
- Esperanza incrementa ata 13.000 euros as axudas á investigación contra o cancro en 2026
- O Concello de Foz mellorará as xardineiras e as zonas axardinadas do municipio
- Burela presenta “Pascua con Gaia” con busca de ovos e obradoiros creativos
- Muras acollerá unha nova actividade de reciclaxe de plásticos tras superar a avaliación ambiental
- A Sacabeira, o café bar cultural de Sargadelos (Cervo), acolle a exposición 'Club de lectura pictórica(l): Vivir na Mariña', do artista Pedro Cabarcos Quintela
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López. - O auditorio municipal Hernán Naval de Ribadeo encheuse o sábado 21 de marzo para gozar con A penúltima, o último espectáculo de Carlos Blanco, que conquistou ao público coa súa retranca habitual
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios. - O Faragullas de Mondoñedo, destacado pola Guía Repsol como Solete de primavera
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos). - Máis de 130 veciñas súmanse ao Encontro de Mulleres de El Franco, que homenaxeou a Cristina Pérez Castaño
O acto institucional, celebrado este venres, contou coa participación da directora xeral de Igualdade do Principado e coa música de Clandestías. - O Concello de Viveiro informa á veciñanza que a avenida de Cervantes permanecerá cortada ao tráfico ata novo aviso con motivo dos traballos de arranxo do firme
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición. - O delegado territorial da Xunta en Lugo, Javier Arias, mantivo unha xuntanza con Diego Campo, presidente da asociación cultural Fanto Fantini, que organiza o festival Osa do Mar, para avanzar nas vías de colaboración de cara á próxima edición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias. - O cantante e compositor asturiano Pipo Prendes actuará o venres 28 de marzo ás 20:30 h no Auditorio da Casa da Cultura de Tapia de Casariego
Será un concerto acústico e intimista, pensado para gozar da súa música nun formato próximo. Entrada libre ata completar aforo.
2021 Crónica 3 A Mariña - Implementado por GaliciaDigital