Ribadeo, 4 de marzo de 2019. A Comisión de Carnaval ven de ampliar o prazo para inscribirse no desfile do Martes de Entroido. As persoas interesadas en participar poderán anotarse ata as 16:30 horas de mañá, 5 de marzo.
As inscricións poderán realizarse chamando ou mediante mensaxe de WhatsApp ao número de teléfono 663 39 62 26 ata mañá martes ás 16:30 horas. Tamén poderán facerse as anotacións na propia mesa de dorsais instalada na entrada do Cine Teatro de Ribadeo dende as 15:30 ata as 16:30 horas. No caso das charangas e comparsas as inscricións rematan hoxe, ás 23:59 horas, debido á bonificación de 100 euros que recibirán as dez primeiras que se apunten.
A Comisión de Carnaval anima “a todos a participar neste desfile que pretendemos que resulte espectacular para o que necesitamos o esencial, que son os participantes. Por isto facemos un chamamento a que se inscriban pequenos e adultos, carrozas, parellas e grupos”. A comisión convida ademais a todos aqueles que, ao longo da fin de semana, contribuíron a dar colorido cos seus disfraces noutros lugares da contorna, a que se despracen mañá a Ribadeo para participar neste desfile de Entroido. E tamén pide que “a xente da nosa vila e doutros puntos da Mariña que se bote ás rúas en Ribadeo para disfrutar deste Martes de Entroido, que é festivo en moitas localidades da comarca, vendo o desfile que inundará de color e de son as rúas ribadenses”.
A Comisión de Carnaval de Ribadeo repartirá preto de 4.500 euros en premios no Desfile de Entroido.
Para comparsas/charangas establécense 5 premios de 500, 400, 300, 200 e 100 euros respectivamente. Para carrozas os premios serán de 400, 200 e 100 euros; para grupos 300, 200 e 100 euros; para parellas de adultos os premios serán de 200, 150 e 100 euros; no caso da modalidade individual os premios serán de 150, 100 e 50 euros.
No caso dos máis pequenos e pequenas os premios para grupos serán de 200, 100 e 50 euros; as parellas recibirán 150, 100 e 50 euros en premios e para a modalidade individual establécense premios de 100, 75 e 50 euros.
O programa de actividades do Entroido ribadense rematará o vindeiro sábado, 9 de marzo, coa queima do Entroido. Trátase dun dos actos máis destacados do Carnaval de Ribadeo. Ás 21:00 horas sairá a comitiva fúnebre, acompañada de viúvas e viúvos e das charangas Aturuxo, Os Macanudos e Habelas Hainas, das inmediacións do Concello e trasladarase ata a Avenida Rosalía de Castro onde terá lugar a queima do Entroido, seguida dunha sesión de fogos artificiais e da monumental traca.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
